Sholes & Glidden, Underwood nº5, Crandall New Modell. Sóanvos estes nomes? Son todas máquinas de escribir, pezas únicas que poderás ver desde mañá e ata o 9 de outubro no Arquivo de Galicia da Cidade da Cultura, dentro da exposición Typewriter, a historia escrita á máquina.
Música clásica, tradicional, pop, rock, jazz, flamenco, electrónica, funk, poesía e as propostas máis vangardistas no eido da videocreación nunha atmosfera cativadora no momento máxico do luscofusco. Este é o plan que a Cidade da Cultura vos propón para todos os xoves, venres e sábados de verán a través de Atardecer no Gaiás, un ciclo co que gozar ao caer a tarde na praza da Cidade da Cultura.