Visita a Cidade da Cultura
MEDIDAS ESPECIAIS NA CIDADE DA CULTURA
POLA SITUACIÓN SANITARIA
Como consecuencia das novas restricións sanitarias reguladas polo DECRETO 2/2021, do 8 de xaneiro, polo que se modifica o Decreto 202/2020, do 3 de decembro e polo que se establecen medidas de prevención específicas por mor da evolución da situación epidemiolóxica derivada da covid-19 na Comunidade Autónoma de Galicia, a Fundación Cidade da Cultura de Galicia informa:
➖ O Museo Centro Gaiás está aberto de luns a domingo, de 10 a 20 horas, cun Servizo de Información ao Público, situado no andar 0. As exposicións, no entanto, están abertas ao público a partir do martes. Neste intre, ten capacidade reducida e adaptada á normativa en vigor .
➖ O número máximo de persoas que poden acudir ás visitas comentadas será de catro persoas (4) que poden ser conviventes ou non, grupo ao que se lle suma o/a guía a maiores.
➖ A Biblioteca de Galicia ten reducida a súa capacidade a un 30% e posibilita xa o préstamo e consulta en sala dos fondos custodiados na biblioteca, pero mediante petición ou reserva anticipada. Ademais, xa é posible o préstamo interbibliotecario e facer uso da sala de lecturas, que ten reducida a súa capacidade a 45 postos. Tamén se pode facer consulta nos ordenadores de uso público. O horario é de luns a domingos, incluídos os festivos, en horario ininterrompido de 09:00 a 21:00 horas. No período de Nadal 2020 os días 24, 25 e 31 de decembro e 1 de xaneiro do 2021 a biblioteca permanecerá pechada.|| Preme AQUÍ para toda a información sobre as medidas e servizos actuais nesta fase.
➖ O Arquivo de Galicia manten inicialmente a atención telemática, reservando a atención presencial para casos imprescindibles e baixo cita previa.
➖ O Punto de Información da Cidade da Cultura, situado no Museo Centro Gaiás, está aberto de luns a domingo. De 10 a 20 horas. Dúbidas, consultas ou aclaracións son atendidas no teléfono 881 997 584 ou no enderezo electrónico: o.informacion@cidadedacultura.org
➖ A área infantil da Cidade da Cultura e os espazos do Xardín Literario e o Xardín do Teatro están abertos ao público con limitación de usuarios/as
➖ A pista de skate do Xardín do Teatro está aberta desde o 15 de xuño, con limitación no número de usuarios e usuarias
➖ Os espazos naturais do Bosque de Galicia e o Parque do Lago están abertos no seu horario habitual.
➖ Os equipos do Museo Centro Gaiás, da Biblioteca e do Arquivo de Galicia continuarán a traballar de xeito interno, prestando servizos a través de ferramentas dixitais e potenciando os contidos online.
➖ Os espazos de traballo do Centro de Emprendemento están abertos para prestar servizo ás empresas e persoas emprendedoras usuarias das instalacións, pero sempre atendendo as recomendacións sanitarias xerais.
➖ Os servizos de restauración da Cafetería-Restaurante Museo Centro Gaiás e A Cantina teñen aberto o seu servizo en terraza.
Ante posibles modificacións dos servizos da Cidade da Cultura, pregámoslle á cidadanía que consulte as webs e contas de redes sociais das institucións, empresas e colectivos localizados no Gaiás non dependentes da Fundación Cidade da Cultura de Galicia.
Para máis información, o teléfono de atención á cidadanía é o 900 400 116.
Lembrando que estas decisións están dirixidas a minimizar o impacto do coronavirus, apelamos á responsabilidade de todos e todas para conter os contaxios e agradecemos a súa colaboración.
Conexións en bus con Santiago
LIÑA 9: Luns- Venres laborais | Sábados mañá
Saídas dende Casas Novas [Frecuencia: 60 min.]
Luns a Venres 07.30 - 22.30 | Sábados 08:30 - 13:30
Itinerario de ida | Casas Novas - Santa Isabel - Galeras - San Clemente - A Senra - Virxe da Cerca - Porta do Camiño - San Roque - Basquiños - Pastoriza - Anxo Casal - Rodríguez de Viguri - Fontiñas - Piscinas - Multiusos Fontes do Sar - Cidade da Cultura
Saídas dende a Cidade da Cultura [Frecuencia: 60 min.]
Luns a Venres 08:00 - 22.00 | Sábados 09:00 - 13:00
Itinerario de volta | Cidade da Cultura - Multiusos Fontes do Sar - Piscinas - Fontiñas - Concheiros - Campo da Angustia - Rúa de Bonabal - San Roque - Virxe da Cerca - A Senra - San Clemente - Galeras - Santa Isabel - Casas Novas
+ info Transporte urbano, Liña 9
LIÑA C11: Sábados tarde | Domingos e Festivos
- Prolongación a Viso / Multiusos (paso aproximado por Xeneral Pardiñas):
Sábados laborables, 14:30 15:00 15:30 16:00 16:30 17:05 17:30(*) 18:05 18:30 19:00 19:30 19:45(*) 20:00(*) 20:55 21:30
Domingos, festivos, 8:10 8:45 9:20 9:55 10:30(*) 11:05 11:45 12:20 12:55 13:30(*) 14:05 17:25(*) 20:05(*)
(*) Pasan por Cidade da Cultura - + info: Trasporte urbano, Liña C11
Visitas comentadas
Coñece coa axuda dos nosos guías a xénese, evolución e funcións da Cidade da Cultura, mergúllate na espectacular arquitectura de Peter Eisenman e déixate guiar polas exposicións que alberga o impresionante Museo Centro Gaiás. A través da nosa oferta de visitas comentadas, poderás achegarte de xeito ameno e divulgativo a esta singular infraestrutura e á súa programación cultural.
De martes a domingo, contamos con diferentes modelos de visita e quendas dispoñibles, todas elas de balde pero con inscrición previa. Preme sobre as imaxes para reservar a túa:
|
Exposición 'As miradas de Issac'
|
|
|
A V I S O S !
— Como consecuencia das novas restricións sanitarias por mor da evolución da situación epidemiolóxica derivada da covid-19, as visitas comentadas non poden superar o número máximo de 4 persoas, que poden ser conviventes ou non [+1 sumando o/a guía].
— O mártes 19 de xaneiro o Museo Centro Gaiás estará aberto ata as 17 horas. Desculpen as molestias.
Coordenadas GPS
Latitude 42º 52' 13.02" N
Lonxitude 8º 31' 32.69" W
Planos de acceso
Descarga aquí o Plano de acceso por autoestrada
Descarga aquí o Plano de acceso e subida ao Gaiás a pé