O Nadal é unha época de maxia e lusión, tamén na Biblioteca de Galicia, situada na Cidade da Cultura. Por iso, nestas datas tamén conta cunha programación, de balde previa inscrición, artellada ex profeso para estas festas, pensada para os e as que máis a gozan: a cativada da casa.
Nesta ocasión, contarase cun musical de monicreques (27 de decembro), obradoiro de maxia (28 de decembro) e un espectáculo tinguido de ciencia e diversión (3 de xaneiro) para toda a familia. Tres actividades para as festas de Nadal que espertaron un enorme interese dos vosos pequenos e pequenas, xa que están todas as prazas cubertas:
O CREBANOCES
A CIENCIA MÁXICA
BUSCANDO A ESTRELA DO NADAL
Espectáculo onde os personaxes están preocupados porque semella que o espírito de Nadal se ten perdido. É por iso que emprenden unha divertida aventura que lles fará percorrer dende as xeadas terras do Polo Norte ata as áridas areas do deserto.
Ao longo desta aventura, coñecerán personaxes tan sigulares coma os axudantes de Papá Noel, ou os amables paxes dos Reis Magos desdubrindo, deste xeito, por que a xente xa non ten ilusión; e é que a estrela que debe guiar os Reis Magos está perdida, así que a súa misión deberá ser agora atopala para que renaza de novo o espírito do Nadal.
A través deste divertido espectáculo, os protagonistas realizarán, coa axuda do público, unha chea de experimentos cos que ademáis divertirse, aprenderán conceptos como os dunha reacción química, elementos hidrófugos, os raios UVA...
