Nadal en Super 8

 
 
Velaquí o fotograma dunha gravación caseira en Super 8 da celebración do Nadal nun fogar galego de finais dos 70. Canto mudaron estas festas ao longo destas décadas e cambio de século. Sobre todo, coas medidas de seguridade sanitaria coas que será necesario vivila neste ano de pandemia.
No entanto, na visualización destas fitas do noso pasado --que se vai poder facer este Nadal devagar no Museo Gaiás-- imos recoñecérmonos nas ganas intactas de compartir ilusións e rituais familiares, aínda que anovados.
Non vos perdades do 18 de decembro ao 6 de xaneiro esta viaxe entrañable e familiar á celebración destas festas no espazo audiovisual Nadal en Super 8 dentro da programación de Nadal no Gaiás Cidade da Cultura de Galicia.

En familia
Santiago de Compostela, 17 de Decembro de 2020