A pé, en bicicleta, mentres se observan as estrelas ou paseando polos edificios. A Cidade da Cultura de Galicia pon en marcha durante os meses de verán un programa no que ofrece algo máis que unha visita: descubrir o Gaiás dunha forma amena e orixinal a través de actividades de balde que combinan lecer, deporte e coñecemento.
Eres novo, queres dar a coñecer o teu proxecto artístico e entrar en contacto con outros axentes do sector? O II Encontro de Artistas Novos é a túa oportunidade. Do 9 ao 14 de setembro, a Cidade da Cultura volve a convertirse nun espazo de convivencia e intercambio de coñecemento e ideas, no que cen mozos poderán compartir experiencias, coñecer de preto as infraestruturas culturais galegas relacionadas coa arte contemporánea e entrar en contacto con destacada personalidades do sector.