Blog

 
Santiago de Compostela, 04 de Maio de 2021

Neste fragmento de relevo exposto no Gaiás pode lerse un dos títulos máis habituais que recibía o Faraón. Adiviñades cal é? Trátase de Fillo de Re (ou Ra, o deus do Sol), amado de Amón, e refírese ao nomen ou nome de nacemento, un dos cinco nomes que tiña o gobernante do Antigo Exipto (xunto ao Praenomen, o nome de Horus, o nome de Nebty e o Horus de ouro).

Comentarios0
Santiago de Compostela, 29 de Abril de 2021

Malia o que poidamos crer, os faraóns non sempre foron homes. Unha das señoras das Dúas Terras que podemos rastrexar a través dos séculos foi Hatshepsut, que gobernou entre c. 1472 e 1458 a. C. Esposa de Tutmosis II, trala súa morte comezou unha co-rexencia co seu sobriño e fillastro, quen se convertería en Tutmosis III e daquela era só un cativo. Hatshepsut proclamaríase faraón pouco despois.

Comentarios0

Páxinas