A Biblioteca de Galicia será este mes de outubro a protagonista da programación cultural do Gaiás. Con motivo do Día das Bibliotecas, que se celebra o 24 de outubro, a institución cabeceira do sistema de bibliotecas galegas e do patrimonio documental da nosa comunidade pon en marcha un amplo programa de actividades para compartir con todos os cidadáns a súa importancia.