Un libro e toda a soidade é a frase escollida por Camilo José Cela (Iria Flavia-Padrón, 1916 – Madrid, 2002) para o seu ex libris, a súa marca persoal, o sinal de identidade das súas publicacións. Toda unha declaración de intencións na que afondou ao longo da súa vida e que puxo de manifesto no discurso que pronunciou ao recibir o Nobel de Literatura: “Sen unha gran soidade non se pode facer unha obra duradeira”.