Reflexar como vestían os nosos antepasados sen caer no folclorismo, na idealización e no romanticismo. Este é o obxectivo que centra o traballo de Belén Sáenz-Chas Díaz, responsable da colección do Museo do Pobo Galego, para a mostra Con-Fío en Galicia.
Con-Fío en Galicia abriu as súas portas cun encontro de máis de cen bloggers de moda galegas, que ademais de asistir a unha charla da deseñadora María Barros puideron coñecer de primeira man a nova exposición do Museo Centro Gaiás. Uns 600 posts e máis dun millón de impresións avalan o éxito do encontro de bloggers de moda que, ademais, deu pé á realización do I Fashion Film de moda galega en colaboración con Galicia de Moda.