Navegantes, exploradores, descubridores, observadores... Son moitas as personaxes que, ao longo dos séculos, fixeron Historia grazas a un mapa, un plano ou unha carta de navegación.

Agora, e grazas á Biblioteca de Galicia, todos podemos revivir a época dos descubrimentos e facer da cartografía un xogo. Como? A través de dúas divertidas actividades que terán lugar na Cidade da Cultura neste mes de xullo no marco da mostra 'Colección Cartográfica 'Vilardevós' de Rodolfo Núñez de las Cuevas, que poderá visitarse na Biblioteca de Galicia do 14 de xullo ao 14 de setembro.