Os días 23 e 24 de abril os aparcamentos da Cidade da Cultura número 3 e 4 permanecerán pechados total ou parcialmente por mor dos traballos de construción do Centro de Artes Dixitais de Galicia. Prégase ás persoas usuarias empregar como alternativas de estacionamento os aparcamentos número 2, 5 e 6, así como seguir as indicacións de señaléctica no que respecta aos percorridos peonís prohibidos e recomendables. Grazas pola súa comprensión.
Os músicos Pablo Seoane e Macarena Montesinos levan un mes facendo Exercicios sonoros de cartografía inversa na Cidade da Cultura grazas ás axudas REGA. O seu obxectivo é desenvolver unha nova forma de ler os mapas, as cartas náuticas, para traducilas á linguaxe musical. “Quen le unha carta náutica está seguindo unhas instrucións para iniciar un desenvolvemento temporal, que é basicamente o que fai un músico cando le unha partitura” explica Seoane. Ambos inician unha viaxe, aínda que o intérprete non se mova do lugar.