O conselleiro de Cultura, Educación e Ordenación Universitaria, Xesús Vázquez Abad, presentou hoxe na Cidade da Cultura a exposición Arquivo de Galicia. O noso patrimonio, unha mostra coa que se conmemora o Día Mundial dos Arquivos. O conselleiro afirmou que con esta intervención “preténdese conseguir que o público sexa consciente da necesidade de conservar estes centros a longo prazo, facilitar o seu acceso e mostrar documentos únicos e extraordinarios”.