As Residencias artísticas REGA da Cidade da Cultura de Galicia déronlle acubillo e pulo creativo ao proxecto «Formas da apariencia», conformado por tres pezas de vídeo arte que foron gravadas no Museo Centro Gaiás e coas que botou andar o 22 de abril na Coruña o Resis Festival, especializado en música contemporánea.
Vas visitar as exposicións do Museo Centro Gaiás? Aquí che deixamos algunha información práctica!
➖ A entrada a todas as exposicións é libre e de balde. Non hai que reservar praza previamente, polo que podes visitalas ao teu aire! Ademais, abren todos os días menos os luns, e o horario de visita é ininterrompido de 10 a 20h.
➖ Por mor da covid-19, a capacidade do Museo está ao 50% da habitual, polo que en momentos puntuais o acceso ás salas pode estar limitado.