A exposición Camiño. A orixe está chea de obras de arte, pezas históricas e obxectos de alto valor patrimonial. Pero máis alá da súa valía, moitas delas agochan historias insólitas, curiosas e, sobre todo, descoñecidas para o visitante, que ao longo dos meses que dure a mostra tentaremos descubrirvos.

Unha das pezas máis curiosas é, sen dúbida, o Santiago del Espaldarazo, unha figura articulada que segundo a tradición era utilizada para armar cabaleiros.