Chega a primavera e con ela regresa a fantasía de Cidade Imaxinaria!! Nesta estación na que todo volve agromar, na Cidade da Cultura emerxen mundos soñados, personaxes incribles, máxicas historias e formas imposibles.
A Cidade da Cultura celebra, dentro do programa de actividades da Dirección Xeral de Políticas Culturais para conmemorar o Día do Libro (23 de abril), un concerto de Gustavo Almeida, cantautor brasileiro que leva 20 anos en Galicia, onde se quedou tras vir xogar ao Real Club Celta.
A exposición Valor e mestría, que se pode ver desde o pasado 15 de marzo no Museo Centro Gaiás, recupera fitos e personaxes lendarios do noso fútbol e tamén da nosa memoria histórica. Na mostra da Cidade da Cultura descubrirás xogadores atípicos como o galego Cheché Martín, excepcional futbolista con alma de pintor.
Os beneficios da práctica do deporte non só se limita a unha actividade física ou competitiva, chega ás esferas emocionais e psicolóxicas. E neste senso, as persoas con discapacidade apóianse no deporte non só como ferramenta para a rehabilitación senón polos efectos beneficiosos do mesmo e polo que supón de superación de barreiras e mellora da autoestima para as persoas que o practican, á vez que é un importante instrumento de inclusión social.
Xeometría para manipular é un obradoiro baseado no libro de Bieito Romero Xeometrías máxicas de Galicia.
Para este obradoiro non é preciso ter coñecementos previos de xeometría. Con todo, traballarase con diferentes curvas e superficies dun xeito lúdico e manipulativo, e serán os propios asistentes os/as encargados/as de crear as súas curvas e superficies.
Co gallo da celebración do Día Internacional do Libro, a Biblioteca de Galicia, situada na Cidade da Cultura, festéxao do mellor xeito posible: agasallando un libro para ampliar e completar as vosas lecturas.
Pasádevos a visitala e ademais deste regalo poderedes contemplar as exposicións que conta na mesma entrada
Co gallo da celebración do Día Internacional do Libro Infantil e Xuvenil, a Biblioteca de Galicia, situada na Cidade da Cultura, festéxao do mellor xeito posible: agasallando un libro para ampliar e completar as vosas lecturas coa vosa cativada.
Pasádevos a visitala e, ademais deste regalo, poderedes contemplar as interesantes exposicións que conta na mesma entrada.
O Día das Artes Galegas está dedicado en 2019 a Luís Seoane. Con este motivo, propoñémosvos para a tarde do sábado 6 de abril un obradoiro para a cativada no que afondar na figura deste artista multidisciplinar que explorou o camiño da arte desde numerosas perspectivas (pintura, literatura, deseño gráfico ou gravado), pero que sobre todo foi un grande impulsor da cultura galega.
Dous proxectos da Cidade da Cultura —a segunda fase do Bosque de Galicia e a exposición Da árbore á cadeira— figuran como finalistas da XVIII edición dos Premios COAG de Arquitectura, do Colexio de Arquitectos de Galicia, que contou coa candidatura de 155 propostas visadas, executadas e fin
A Cidade da Cultura comezou esta mañá a plantación de árbores do Bosque do Camiño e fíxoo co conselleiro de Cultura e Turismo, Román Rodríguez, acompañado por representantes de colectivos vencellados ás rutas xacobeas. A partir de agora, poderán facelo todos os peregrinos que desexen deixar a súa pegada na paisaxe de Compostela.
