A Cidade da Cultura amplía durante a Semana Santa a súa oferta de visitas comentadas á arquitectura e ás exposicións do Museo Centro Gaiás, coincidindo coa derradeira semana da mostra Francisco Asorey, unha recuperación necesaria, que pecha as súas portas o vindeiro domingo 5 de abril.
O director xeral de Cultura, Anxo M. Lorenzo, presentou hoxe na Cidade da Cultura unha nova edición de Escenas do cambio, o festival de artes escénicas de vangarda impulsado pola Consellería de Cultura, Lingua e Xuventude que se desenvolverá entre o 7 e o 10 de maio no Gaiás e no Salón Teatro coa participación de artistas e compañías de Alemaña, Bélxica, Brasil, Colombia, Cuba, Guinea Ecuatorial, México, Portugal, Lituania e España.
Queres descubrir todos os segredos da obra de José Suárez? A Biblioteca de Galicia organiza un obradoiro para cativada de entre 8 e 12 anos no que afondar, a través da creatividade, na figura deste fotógrafo ao que se lle dedica o Día das Artes Galegas.
Partimos dun feito real: no ano 1880, Curros Enríquez foi denunciado polo bispo de Ourense por varios poemas do seu libro Aires da miña terra, unha das obras fundamentais do Rexurdimento Galego. A pesar do criterio contrario do fiscal, o proceso seguiu adiante e o escritor foi finalmente condenado.
A directora xerente da Fundación Cidade da Cultura, Ana Isabel Vázquez Reboredo, vén de participar en Londres nunha reunión de traballo co British Museum para avanzar na organización da que será unha das grandes exposicións internacionais da axenda cultural deste ano: Voces do Pacífico.
Volve o Galiverso á Cidade da Cultura, onde poderás revivir todas as experiencias inmersivas desenvolvidas ata o momento nesta iniciativa para explorar virtualmente o patrimonio cultural e natural de Galicia.
Queres deseñar o teu propio personaxe a través do xogo e do humor? En conmemoración do Día do Cómic, a Biblioteca de Galicia organiza o obradoiro Unha banda deseñada chispeante, da man da ilustradora Sandra Lodi, autora da novela gráfica Adelina, XIX Premio Castelao de banda deseñada 2024.
Escenas do cambio 2026 propón un programa no que latexan tres correntes interconectadas: o impulso do que persiste, o do que se revela e o que se reinventa. Revelesencia é o termo —entre revelación, efervescencia e esencia— co que Kirenia Martínez, directora artística do festival, define unha liña de programación que interrelaciona estes tres camiños a través das artes escénicas.
O director xeral de Cultura, Anxo M. Lorenzo, visitou hoxe a primeira edición de Gaiás en xogo, unha recente incorporación á programación da Cidade da Cultura que se propón estimular a creatividade na infancia a través da dimensión artística do xogo. Ao longo de toda a xornada de hoxe, o Museo Centro Gaiás acolle así un amplo abano de actividades que inclúen desde obradoiros de experimentación artística a instalacións sensoriais e arquitecturas inchables.
O conselleiro de Cultura, Lingua e Xuventude, José López Campos, e o presidente de Afundación, a obra social ABANCA, Miguel Ángel Escotet, inauguraron hoxe a exposición Outras historias posibles na sede de Afundación na Coruña. A mostra, que se pode visitar ata o 30 de maio, promove unha mirada máis diversa sobre a arte contemporánea galega a través das traxectorias de seis destacadas creadoras: Ana García Pan, Emilia Guimeráns, Anne Heyvaert, Tusi Sandoval, Blanca Silva e Laura Terré.
