O conselleiro de Cultura e Turismo, Román Rodríguez, asistiu ao festival infantil de curtametraxes Pequefilmes, que reúne esta fin de semana na Cidade da Cultura a preto de 2000 nenos e nenas e promove a cultura audiovisual desde as idades máis novas.
A presenza da obra lendaria A derradeira leición do mestre na exposición Castelao Maxistral, na Cidade da Cultura de Galicia, resulta do máis axeitada para transmitirlle nesta actividade ao alumnado a importancia da educación para a construción de sociedades libres, unha das principais loitas do artista e intelectual galeguista ao que se lle dedica esta exposición.
A Biblioteca de Galicia celebrará o Día da Ilustración o próximo mércores 30 de xaneiro poñendo en valor a obra do artista vigués Federico Ribas Montenegro, protagonista desta data que promove a Consellería de Cultura e Turismo, en colaboración coa Asociación Galega de Profesionais da Ilustración (AGPI), a través do Calendario do libro e da lectura 2019.
Federico Ribas farase coñecido esencialmente como ilustrador e como publicista. As abundantes portadas e ilustracións, xunto cos abundantes deseños publicitarios, outorgaranlle unha innegable fama no seu tempo, e aos seus debuxos unha difusión popular que os converte en imaxes familiares, aínda que pouca xente hoxe en día saiba identificalos como do autor galego.
Con motivo da conmemoración do Día da Narración Oral, a Biblioteca de Galicia organiza este obradoiro no que se narra un conto empregando a papiroflexia. Un conto clásico, dos que se transmiten de xeración en xeración.
A papiroflexia ou origami, que podemos considerar unha arte, unha ciencia ou un pasatempos, ten unha grande importancia no aprendizaxe das matemáticas, xa que a súa beleza radica na súa perfecta e simple xeometría.
A Fundación Cidade da Cultura de Galicia presentou hoxe o Obradoiro de Novela Cidade da Cultura, unha actividade pensada para axudar a desenvolver o talento de novos valores na literatura galega.
Escribir é arte e tamén oficio. Require de vontade e de talento, pero tamén de ferramentas que poden ser aprendidas. Enfrontarse á páxina en branco –ou hoxe en día máis ben á pantalla– énchenos de preguntas: como creo personaxes interesantes? Desde que punto de vista conto a miña historia? Estou sendo artificioso nos diálogos? Aburrirei ao lector? Que fago coa novela cando estea rematada?
A Cidade da Cultura de Galicia súmase aos actos polo Día de Castelao —que se celebra o 30 de xaneiro, data do seu nacemento— botando a andar ese mesmo día o ciclo Diálogos ao redor de Castelao, un espazo de conversa, análise e reflexión sobre a época, a figura e a obra do intelectual galeguista, que contará coa participación de destacados especi
O festival infantil de curtametraxes Pequefilmes regresa os días 26 e 27 de xaneiro ao Museo Centro Gaiás cunha programación que percorre os cinco continentes e destinada ao público máis miúdo da casa.
O director xeral de Políticas Culturais, Anxo Lorenzo, asistiu esta mañá á inauguración da exposición Bibliotecas no espello, unha viaxe polo libro e a literatura a través das edicións facsímiles, a quinta que se realiza no marco das actividades anuais do programa Nortear, creado en 2015 a través dun memorando de entendemento asinado entre a Consellería de Cultura e Turismo, a Dirección Rexional de Cultura do Norte de Portugal e a Agrupación Europea de Cooperación Territorial Galicia- Norte de Portugal.
