Arredor dun milleiro de estudantes e docentes de 17 centros de ensino artístico teñen xa confirmada a súa asistencia a Audacia, o primeiro festival de artes e emprendemento de Galicia, organizado pola Xunta a través da Consellería de Cultura e Turismo e enmarcado na programación do Xacobeo 21.
A Xunta de Galicia, a través da Consellería de Cultura e Turismo, vén de anunciar que a Biblia Kennicott, recoñecida como unha das obras cume da ilustración medieval e un dos manuscritos hebreos máis valiosos e fermosos do mundo, será exhibida en Galicia máis de 500 anos despois de que saíse da Coruña –onde foi creada– no século XV.
A Santa de Francisco Asorey é unha das obras máis relevantes da arte galega, aínda que non das máis coñecidas. Despois de preto de 70 anos no Uruguai, esta potente e provocadora representación dunha labrega galega, espida e portando un xugo de vacas, poderá verse no Museo Centro Gaiás na exposición Galicia, un relato no mundo.
A Consellería de Cultura e Turismo, a través da Dirección Xeral de Políticas Culturais, organiza a II Xornada de Bibliotecas Públicas de Galicia. Esta celebrarase o 21 de outubro no Auditorio 1 CINC – Centro de Innovación Cultural na Cidade da Cultura en Santiago de Compostela.
A Xunta de Galicia explorará con arquitectos internacionais na Cidade da Cultura como mellorar o benestar da cativada e rapazada en centros de ensino, espazos públicos e cidades. Para iso, o Gaiás acollerá os vindeiros 1 e 2 de novembro V Playgrounds.
A Xunta de Galicia, a través da Dirección Xeral de Xuventude, Participación e Voluntariado da Consellería de Política Social, coa colaboración dos socios do proxecto Lidera, pon en marcha Mocidade: Encontro da xuventude creativa e emprendedora Galicia – Norte de Portugal, un espazo de formación, creatividade, emprendemento, cultura e lecer que permitirá establecer sinerxías, compartir experiencias, proxectos e ideas, e impulsar á xuventude no seu desenvolvemento persoal e profesional.
Como remate a Argallar. Exposición para xogar coa arquitectura a asociación Ludantia coa colaboración de Proxecto Terra e a Fundación Cidade da Cultura -Xunta de Galicia organizan o V Encontro Internacional de Educación en Arquitectura para a Infancia e a Xuventude, dirixido a docentes, estudantes e profesionais de educación en arquitectura.
Carmina Burana soou este sábado en galego no Museo Centro Gaiás da Cidade da Cultura. Foi o primeiro dos tres concertos do ciclo Viraxes, no que as bandas populares lle dan unha volta aos seus repertorios máis tradicionais, mesturando a súa música con xéneros como a clásica, o teatro ou o circo. O espectáculo, con entrada de balde e a participación de máis de 150 artistas, contou coa asistencia do director xeral de Políticas Culturais, Anxo Lorenzo.
