A Xunta de Galicia dá a coñecer este domingo no marco da feira Culturgal, celebrada en Pontevedra, as actividades de Nadal que terán lugar no Gaiás a partir do 17 de decembro. A programación conta cunha instalación no interior do museo a cargo da recoñecida artista Ana Inés Jabares-Pita, que recreará o Camiño de Inverno a través de bólas de neve a escala humana.
A Cidade da Cultura contará co primeiro centro de artes dixitais de Galicia, e un dos espazos pioneiros e líderes en España neste novo eido da creación. Este foi un dos principais avances do II Plan Estratéxico do Gaiás para o período 2021-2027 que o secretario xeral de Cultura da Xunta, Anxo M. Lorenzo, presentou esta mañá na Comisión 4º do Parlamento de Galicia, nunha comparecencia a petición propia para dar a coñecer esta nova folla de ruta.
O titular do Goberno galego, Alberto Núñez Feijóo, anunciou hoxe que o Consello da Xunta aprobou o II Plan Estratéxico Cidade da Cultura de Galicia (2021-2027) que prevé 70 accións culturais e unha mobilización de preto de 30 millóns de euros.
Outras metas que fixa este plan son duplicar o valor que o Gaiás aporta a Galicia -acadar un retorno de 2,5 € por cada euro investido-; continuar a tendencia positiva nas visitas nun 40% ao final da vixencia do Plan, chegando aos 1,4 millóns de visitantes dentro de seis anos; e duplicar o número de eventos superando os 500 ao ano.
O Hall de Tirantes, no Andar 0 do Museo Centro Gaiás, convértese neste Nadal nun paraíso de inverno, onde a maxia propia destas datas e o Camiño de Santiago van da man. Así, atoparemos globos de neve a escala humana con varios elementos representativos do Camiño de Inverno no seu interior, e poderemos xogar a descubrir as cidades, monumentos e paisaxes emblemáticas da Ruta Xacobea.
A Biblioteca de Galicia trae para estas datas especiais de decembro, sobre todo para a cativada, un animado cabaré centrado na temática de Nadal, con 7 elfos en escena. A escenografía da obra Os trasnos do Nadal recrea un teatriño onde os elfos do Polo Norte contarán como é a súa vida ao longo de todo o ano en Laponia, axudando a Papá Noel, e como terán que facer para solucionar un descoido do Reno Rodolfo que os deixou esquecidos na Cidade da Cultura de Galicia.
Espectáculo cunha coidada escenografía especialmente deseñada e construída para levar a maxia dos circos e do Nadal ao espazo escénico. Nel poderán verse osos polares animatrónicos, animais artificiais creados especificamente para as pistas de circo e coa aparencia e o movemento de animais de verdade. Non faltarán outras moitas especialidades circenses como acrobacias 'antipodistas' ou malabares.
A proposta quere ser unha unión entre a maxia do Camiño neste ano Xacobeo e a maxia propia do Nadal. Así, organízanse unha serie de obradoiros e unha mostra final que amosará dende o punto de vista da maxia as ilusións do Camiño.
Catro obradoiros de maxia e un espectáculo especial
A Orquestra Sinfónica de Galicia abrirá a programación de Nadal na mesma tarde do acendido do alumeado no Gaiás, o venres 17 de decembro, nun gran concerto no que a agrupación estará dirixida polo seu director asociado, José Trigueros, e acompañada pola recoñecida cantaora Marina Heredia.
Con motivo do 25N, Día internacional para a eliminación da violencia contra a muller, a Cidade da Cultura abriu un espazo de reflexión e acción ao redor de Chicas nuevas 24 horas, proxecto expositivo de Mabel Lozano que denuncia a trata con fins de explotación sexual.
Este será un Nadal moi especial despois da situación excepcional que vimos de vivir nos últimos tempos e, aínda máis, para os galegos e os composteláns que celebramos un Xacobeo extraordinario con continuidade no 2022. Con moita ilusión, a Cidade da Cultura quere mergullarse na maxia propia destas datas, acompañada dese outro universo máxico ao que nos transporta o Camiño de Santiago.
