Como falar de temas moi especializados para grandes audiencias? Cal é o papel actual das comunidades dixitais na difusión de coñecemento cultural e científico? Como combaten os bulos e a desinformación as persoas que de dedican á divulgación a través das redes?
As Matinais Musicais de outono da Cidade da Cultura de Galicia foron o escenario elixido por Gallaecia, Ensemble Barroco para a estrea de Oh, Rosas Vivas!, primeira actuación en público desta nova agrupación galega.
A Consellería de Sanidade volve escoller a Cidade da Cultura como un dos puntos de vacinación contra a covid-19 na nova campaña de vacinación que inicia este 19 de novembro de 2021. A Sala Einsenman está a ser o espazo onde se convocan ás persoas que deben vacinarse. As persoas que teñan que acudir a esta cita deben ter en conta que deben facer uso das entradas/aparcamentos 1 e 2 do complexo Gaiás, que lles facilita a chegada directa ao punto da vacinación.
Mergúllate no diálogo fotográfico entre pasado e presente que propón a exposición O Camiño Portugués: lembranzas de mar e pedra reservando praza para as nosas visitas comentadas (podes comprobar dispoñibilidade na columna da dereita da páxina).
Con motivo do 25N, Día internacional para a eliminación da violencia contra a muller, a Cidade da Cultura pon en marcha este mes de novembro unha serie de actividades ao redor da exposición Chicas nuevas 24 horas, iniciativa desenvolvida a partir do documental do mesmo título que busca sensibilizar á cidadanía para a prevención da trata de persoas con fins de explotación sexual.
A Cidade da Cultura de Galicia arrinca esta fin de semana un novo ciclo de Matinais Musicais para achegar o Jazz, a música a capella e a música barroca a todos os públicos. O programa inclúe nesta edición tres concertos programados para as mañás dos domingos de novembro e decembro, coa colaboración da Orquestra Sinfónica de Galicia e o grupo Gallaecia, Ensemble Barroco.
A Xunta de Galicia, a través do encontro internacional Carta de Santiago, procura estes días respostas a grandes desafíos da sociedade actual como as migracións masivas, o cambio climático ou a alimentación das macro-urbes. Este foro de reflexión e debate, organizado polo Goberno galego en colaboración coa Fundación Paideia Galiza e no marco do Xacobeo 21-22, congrega hoxe no Gaiás a nomes como o da emprendedora francesa Joséphine Goube, co-fundadora e directora executiva de Techfugees for Impact.
O conselleiro de Cultura, Educación e Universidade, Román Rodríguez, inaugurou hoxe no Museo Centro Gaiás da Cidade da Cultura O Camiño Portugués. Lembranzas de mar e pedra, unha exposición composta dunha selección de 120 fotografías do século XIX ao XXI que percorren o Camiño desde O Porto a Santiago de Compostela da man de figuras consagradas e emerxentes da arte fotográfica.
A Xunta inaugurou hoxe na Cidade da Cultura unha exposición coa que se celebran os 10 anos da posta en marcha da Biblioteca de Galicia no Gaiás. Unha década na que a institución conseguiu converterse nun referente cultural custodiando importantes coleccións constituídas por documentos tan antigos como os incunables Libro de las propiedades de las cosas (1494) ou Sermones de patientia in Job (1471).
