En conmemoración do Día Mundial da Saúde Mental, a Cidade da Cultura acollerá o domingo 10 de outubro o espectáculo DeMente, da compañía de danza Fran Sieira. A representación terá lugar ás 20,30 horas no andar -1 do Museo Centro Gaiás e as entradas para o espectáculo xa están á disposición do público a un prezo de 5 euros na web de Ataquilla.
O secretario xeral de Cultura, Anxo M. Lorenzo, inaugurou hoxe na Biblioteca e Arquivo de Galicia a exposición Sobre dous raís: o ferrocarril no Arquivo de Galicia, un percorrido pola historia da vía férrea a través de 59 documentos que inclúen desde fotografías, a expedientes administrativos, correspondencia, billetes de tren ou folletos.
Precisamos dos pés para andar? Que pegadas deixamos nós no camiño e cales deixa o camiño en nós? A partir do concepto do camiño e da viaxe, e co propio Camiño de Santiago como eixo transversal, o ciclo A catro pés propón catro obradoiros -diferentes pero conectados- para gozar do tempo compartido en familia experimentando, creando, xogando e, en definitiva, medrando xuntas tanto a cativada coma as persoas adultas.
En conmemoración do Día Mundial da Saúde Mental, a Cidade da Cultura acollerá o domingo 10 de outubro o espectáculo DeMente, da compañía de danza Fran Sieira. As entradas para asistir a este espectáculo, a un prezo de 5 euros, xa están á venda [premendo AQUÍ]
O ciclo 10 anos, 10 autores, 10 libros da Biblioteca de Galicia continúa este venres, 1 de outubro, co escritor, tradutor e profesor Santiago Lopo.
Co gallo da celebración do Día da tradución, a Biblioteca de Galicia resérvanos este xoves, 30 de setembro, unha xornada especial na que conversaremos sobre ese traballo fermoso que é o de levar dunha lingua á outra as palabras, os matices, e os sensos que cohabitan en cada texto e cos que nos achegamos á voz da persoa que escribe.
A Xunta de Galicia e Afundación inauguraron esta tarde en Vigo a última das exhibicións da mostra As miradas de Isaac.
A Xunta programa na Cidade da Cultura de Galicia os sábados 18 e 25 de setembro dous concertos didácticos para público familiar no andar -1 do Museo Centro Gaiás. Baixo o título Camiños de Músicas, o ciclo ofrecerá un percorrido polas influencias sonoras do Camiño co fin de embarcar o público nunha peregrinación didáctica polo patrimonio musical.
O WOS Festival x SON Estrella Galicia celebra desde mañá venres e durante toda a fin de semana a súa Lite Edition, para a que conta cun dobre apoio económico da Xunta. Dunha banda, a través da marca FEST Galicia para a promoción da nosa Comunidade como destino musical seguro e de calidade, e doutra, como un dos 19 eventos adxudicatarios das subvencións da Consellería de Cultura, Educación e Universidade a festivais profesionais de música.
Galicia posúe un valioso patrimonio universitario, de traxectoria centenaria, esencia dinámica e perfil diversificado: os seus recintos ofrecen unha valiosa paisaxe, debuxada durante séculos por espazos e persoas. A exposición Campus Galicia quere expresar unha lectura innovadora das institucións de ensino superior galegas.
