Con motivo da conmemoración do Día do Libro Infantil e Xuvenil o vindeiro 2 de abril, a Biblioteca de Galicia tráenos Rubicundo, unha función a cargo de Teatro Ghazafelhos e baseada na novela homónima de María Canosa.

Festexamos os 10 primeiros anos do Museo Centro Gaiás lanzando un programa de visitas comentadas singulares que vos levará a coñecer as entrañas e os recantos agochados deste sofisticado edificio —preparado para acoller exposicións de grande formato ou propostas culturais e eventos de natureza moi diversa— entrando ata en zonas normalmente restrinxidas ao público.

A Vía Láctea, onde acotío nacen e morren estrelas, supuxo para todas as civilizacións un sistema cosmogónico universal que unía o tempo celeste co tempo humano. Xa desde o século XII, esta Vía (o Itinerario das Estrelas / Iter Stellarum) conducía os pasos das persoas peregrinas a través dunha complexa trama de camiños (Iter Humani) ata os confíns do mundo coñecido daquela, que remataba no Finis Terrae.

A Xunta de Galicia, a través do Igape e en colaboración coa Escuela de Organización Industrial (EOI), vén de iniciar na Cidade da Cultura a actividade da sexta edición do Coworking IGAPE-EOI. Neste espazo de coworking do Gaiás, unha vintena de iniciativas de emprendemento recibirán -entre marzo e setembro de 2022- formación, asesoramento e titoría na posta en marcha das súas iniciativas empresariais.

A Biblioteca de Galicia, con motivo da conmemoración do Día da Poesía, organiza esta actividade na que se presentará a historia de “Zimbo”, de Arturo Abad e Joanna Concejo, un álbum ilustrado de profundo contido poético e narrativo no que a dozura e a delicadeza das imaxes acompañan á perfección a prosa rítmica do texto, que será o detonante para a creación.