O volume 5 de Clásicas desfeitas, A barca do inferno, inspírase no Auto da barca, obra fundamental do teatro clásico portugués escrita por Gil Vicente no século XVI. A partir dela, a compañía Moving Compass constrúe unha proposta que recolle elementos do teatro de monicreques vietnamitas e o desexo de explorar a auga como escenario para a creación dramática.

Podes visitar Xacobeo. As pegadas do Camiño con entrada libre e de balde cando queiras, pero se che apetece afondar máis no seu significado e no que representan as súas pezas, adentrándote no fénomeno da peregrinación a Santiago máis polo miúdo, podes reservar praza para as nosas visitas comentadas.

Neste Ano Santo ampliado a 2022, preténdese pór en valor a riqueza de testemuños diversos que o Camiño de Santiago deixou dende a Idade Media e que se conservan na Biblioteca Nacional e noutras institucións culturais de dentro e fóra de España como o Museo del Prado, o Arquivo da Catedral de Santiago ou o Centro italiano di Studi Compostellani.

Existiu o teatro medieval en galego? A compañía Galeatro investiga e pescuda en Arte sen guión sobre a posibilidade dun teatro clásico galego do que non existen obras escritas. Partindo do estudo das estruturas narrativas e dramáticas medievais e dos materiais en lingua galega previos ao Rexurdimento, e coas ferramentas da improvisación contemporánea, a comedia e a música, Arte sen guión propón unha nova lectura do patrimonio cultural galego.

A Cidade da Cultura presenta o seu Programa de Residencias Artísticas do Gaiás (REGA) para o 2022, unha das súas liñas de traballo máis ambiciosas para apoiar o talento e dar visibilidade á creación artística e cultural contemporánea, tanto galega como internacional, en liña cos obxectivos do II Plan Estratéxico da Cidade da Cultura 2021-2027.