A Cidade da Cultura despide este domingo a exposición Obxectos de desexo. Surrealismo e deseño 1924-2020 que xa colleitou preto de 30.000 visitas desde a súa apertura no mes de abril. A mostra ofrece a posibilidade de contemplar unha das antoloxías sobre deseño contemporáneo e arte surrealista máis sobresaíntes.
Con apenas 25 anos, Ray Kaiser era unha prometedora pintora abstracta que viña de formarse con Hans Hoffmann, pero o seu paso pola academia de arte Cranbrook de Michigan, onde descubriu a súa paixón polo deseño e coñeceu a Charles Eames, cambiaría para sempre a historia do interiorismo e o deseño industrial.
A Cidade da Cultura pecha a programación de Atardecer no Gaiás 2022 con dous concertos, este xoves e venres, protagonizados por dúas bandas galegas, Caldo e Néboa, que reinterpretan a música tradicional con distintos estilos e sons, sendo dous dos máximos expoñentes da experimentación musical en Galicia.
A Cidade da Cultura pon en marcha este mes Olladas máxicas no Gaiás, unha nova actividade pensada para facilitar ás familias a conciliación nas semanas previas ao comezo do curso escolar, cando a oferta para nenas e nenos é máis reducida.
Anthony Dunne e Fiona Raby, a través da súa serie "Deseños para un planeta superpoboado: os Recadadores (2009)", chaman a atención sobre problemas globais como a escaseza de alimentos deseñando hipotéticas próteses para dixerir algas, raíces ou follas, que "externalicen" mecanismos gastrointestinais humanos. Con estes obxectos de apariencia a un tempo inofensiva e desacougante interpélannos sobre as implicacións sociais, culturais e éticas das tecnoloxías emerxentes.
Na Cidade da Cultura temos preparada unha actividade moi especial para os últimos días de vacacións antes da volta ao cole. Olladas máxicas no Gaiás é un campamento urbano pensado para que as nenas e nenos poidan explorar a arte, a música, a maxia e o deporte desde perspectivas que fomenten os valores de solidariedade, igualdade e corresponsabilidade.
O conselleiro de Cultura, Educación, FP e Universidades, Román Rodríguez, visitou esta tarde a ampliación do Bosque de Galicia na zona sur da Cidade da Cultura, oito novas hectáreas de superficie verde equipadas cunha pista de BMX, un labirinto construído con lousas procedentes da obra do Fontán, unha rede de sendeiros para pasear e un miradoiro, instalacións abertas xa ao público.
Preto de 2.000 persoas esgotaron as entradas de xullo a CARNE y ARENA (Virtualmente presente, Fisicamente invisible), a instalación de realidade virtual dirixida polo oscarizado director Alejandro G. Iñárritu que se pode visitar na Cidade da Cultura de Galicia ata o 18 de setembro e que nos achega a experiencia das persoas migrantes que cruzan o deserto entre México e os Estados Unidos.
O Gaiás inaugura unha nova pista deportiva nas inmediacións do seu conxunto arquitectónico. Para estrear esta instalación para a práctica do ciclismo BMX e para que calquera que se achegue poida comprobar as súas potencialidades, celebramos un espectáculo de exhibición con cinco artistas da bicicleta, homes e mulleres, que farán unha demostración de BMX, Dirt Jump e DH.
