O Clúster Alimentario de Galicia (Clusaga) organiza o 29 de xuño na Cidade da Cultura de Galicia o Foro & Premios Galicia Alimentación 2022.

 A Cidade da Cultura acolle a quinta edición do Festival de Bandas Infantís e Xuvenís de Galicia, no que as formacións participantes interpretarán durante vinte minutos o repertorio elixido para a ocasión. Como habitualmente, o Festival rematará cunha emocionante actuación conxunta de todas as agrupacións, que interpretarán na praza central o Himno Galego.

A problemática dos incendios forestais e, en especial, os procesos territoriais aos que se asocian, é un desafío de primeira magnitude polo que a vontade de desenvolver proxectos conxuntos que contribúan de forma ambiciosa e innovadora a reducir a súa incidencia non é algo nin moito menos novo.

Durante este 2022, Galicia está a render homenaxe ao pintor galego máis relevante do século XX, José Otero Abeledo,Laxeiro (Lalín 1908 – Vigo 1996), despois de que a RealAcademia Galega de Belas Artes decidira dedicar o Día das Artes deste ano ao xenial artista, un dos pais da vangarda pictórica galega. Con motivo do Ano Laxeiro organizouse un amplo programa no que a exposición Foi un home. Laxeiro en Ámerica (Buenos Aires, 1950-1970) figura como a proposta protagonista.

Un ano máis, na Cidade da Cultura poñemos banda sonora aos longos solpores do estío co ciclo de concertos Atardecer no Gaiás. 16 actuacións en directo, con entrada de balde, que percorren estilos e xeografías dando forma a un itinerario diverso e actual no que teñen cabida desde o pop ata a canción de autor e o flamenco, a electrónica, o folk experimental e unha boa dose de ritmos urbanos nos que os xéneros se mesturan baixo etiquetas do máis variado: electrocumbia, trap, hip hop...

O Consello Superior de Investigacións Científicas (CSIC), a través da súa Delegación Institucional en Galicia, mostra na Cidade da Cultura ata o 13 de xullo a exposición itinerante “La Ciencia según Forges”. O horario de visita, gratuíta, é de martes a domingo de 10.00 a 20.00 horas.