Qué o afloramento costeiro? Por qué a auga do mar está más fría nunhas praias ca noutras? Por qué unhas praias están cheas de lixo e outras limpas? Cómo vai afectar a subida do mar ás nosas costas? Cómo inflúe nas nosas vidas o clima oceánico?

Neste obradoiro faremos unha serie de experimentos sinxelos empregando materiais que podemos atopar nas nosas cociñas para dar resposta a estas preguntas.

O obxectivo é entender os principais fenómenos oceanográficos que afectan ás costas galegas e ter a oportunidade de conversar destes fenómenos cun oceanógrafo.

Este obradoiro organízase para rapazas e rapaces de entre 10 a 12 anos. O desenvolvemento da actividade estará baseado no contacontos interactivo do cómic “E que rico sabe o mar!”, editado polo IIM (Instituto de Investigacións Mariñas) do CSIC.

Daráselles aos participantes a oportunidade de gozar, de forma amena e entretida, de contidos rigorosos e adaptados á súa idade, sobre os alimentos de orixe mariña (pesca e acuicultura), e a trazabilidade, conservación e revalorización dos mesmos, entre outros.

Sabemos por qué o símbolo da casa Gryffindor de Harry Potter é un león? Ou por qué as cores da casa Slytherin son o verde e o prateado? Será porque o noso Harry é valente aínda que ás veces imprudente coma os leóns ou porque Draco Malfoy é astuto e ambicioso coma as serpes?

Aínda que a orixe dos escudos xorde na Idade Media, hoxe en día comprobamos que estas representacións poden aplicarse de forma moi variada e con obxectivos moi distintos.

Camiñamos para descubrir, tanto o propio coma o alleo e, tamén, camiñamos para crear. A exposición Camiños creativos explora o vencello entre movemento e arte e afonda en como o desprazamento a pé é determinante no proceso creador. Na recta final deste Xacobeo, Camiños creativos é tamén o gran proxecto expositivo internacional co que o Goberno galego despide esta cita ata a súa vindeira edición.

Por definición, un lugar é espazo determinado capaz de acoller unha cousa calquera. O que nos permite caracterizar e distinguir un lugar de outro é precisamente a natureza do que contén (persoas, cousas, pensamentos) e os procesos e o tempo nos que foi constituído. Memoria, identidade, pertenza ou límite son algúns dos conceptos fundamentais que ligamos aos lugares e os dotan de sentido para nós.

A Biblioteca de Galicia organiza unha representación teatral para público familiar, Espantallo amigo, baseada no conto de Xosé Neira Vilas, a cargo da compañía Os Quinquilláns.