A compositora e multi-instrumentista viguesa Lucía Martínez chega ao Gaiás para presentarnos o seu último traballo acompañada por tres músicos e amigos —João Pedro Brandão, Pedro Neves y Carl Minnemann— cos que forma o Lucía Martínez Cuarteto, un proxecto froito da amizade nacido na escola de Jazz no Porto hai máis de 12 anos.
Aruku – Camiñar abre as Matinais Musicais de outono da Cidade da Cultura transportándonos entre Xapón e Galicia.
Este mes de setembro regresan as Matinais Musicais á Cidade da Cultura. A programación de outono 2022 tráenos tres concertos de estilos diversos para gozar nas mañás dos domingos cos que viaxaremos de Xapón a Galicia, experimentaremos a calma a través da música e exploraremos novas sonoridades creadas por compositoras e compositores contemporáneos.
Durante o curso escolar, a Cidade da Cultura oferta un completo programa de visitas didácticas presenciais en diferentes quendas horarias a escoller. As grandes exposicións temporais do Museo Centro Gaiás protagonizan esta oferta educativa para os centros de ensino, no que non faltan tampouco os percorridos comentados para coñecer a arquitectura e a contorna natural do Gaiás.
A exposición fotográfica A Vía da Prata. Aires do Sur pecha as súas portas este domingo no Museo Centro Gaiás da Cidade da Cultura logo de ser visitada por máis de 15.000 persoas desde xuño.
Concibida por Alejandro González Iñárritu, CARNE y ARENA válese de ferramentas e técnicas do cinema para, a través do emprego de tecnoloxías máis propias dos videoxogos -como a realidade virtual e a inmersión completa-, traspasar as barreiras da linguaxe cinematográfica concibindo un espazo transmedia novo.
CARNE y ARENA pon a proba os nosos sentidos e trasládanos durante uns intres, incluso a partir de sensacións físicas, á viaxe das persoas migrantes da fronteira entre México e os Estados Unidos. Que sentimentos espertou en ti esta instalación? Serven estas experiencias sensoriais para achegarnos a realidades sociais afastadas do noso día a día e empatizar coa relidade das persoas migrantes? Quedaches con ganas de profundar máis no están a supoñer hoxe en día as viaxes migratorias, os espazos fronteirizos e os procesos de refuxio e asilo?
A Xunta de Galicia vén de transformar as Torres Hejduk da Cidade da Cultura nun espazo de creación e estudio artístico a través da intervención A porta aberta, un proxecto vivencial, plástico e performático da artista galega Lúa Gándara (O Porriño, 1988).
O conselleiro de Cultura, Educación, Formación Profesional, e Universidades, Román Rodríguez, deulles esta mañá a benvida aos 40 creadores e creadoras que participan estes días no Gaiás na duodécima edición do Encontro de Artistas Novos Cidade da Cultura de Galicia, EAN12, unha cita para apoiar a arte emerxente e promover a creación contemporánea.
