Foi o monarca máis poderoso de Europa. Gobernou o Sacro Imperio Romano Xermánico entre 1520 e 1558. E España desde 1516 ata 1556. Convertiuse así, no primeiro rei que uniu as coroas españolas de Castela, Aragón e Navarra co Imperio Romano Xermánico. Fixo do catolicismo a súa bandeira e buscou ao longo da súa vida instalar un imperio cristián universal a través de mil batallas. Unha guerra que legaría ao seu fillo, Felipe II, que herdou o imperio “onde nunca se poñía o sol”.

Xullo será o mes Manuel Antonio na Biblioteca e Arquivo de Galicia. Xogos, obradoiros e recitais poéticos recordarán a súa figura cando conmemoramos o 115 aniversario do nacemento do poeta rianxeiro.

Xa está en marcha o concurso Deseños Xacobeos, no que elixir o mellor prototipo realizado polos alumnos das Escolas de Arte e Superiores de Deseño de Galicia para a exposición Camiño. A orixe.

Sombreiro, longa túnica adornada con cunchas de vieira e bordón na man dereita. A figura dun peregrino agroma en relevo na pedra granítica da lauda sepulcral que dá a benvida ao visitante á última etapa da exposición Camiño. A orixe, dedicada ao Peregrino. Trátase da coñecida como Lauda do peregrino, pertencente á colección de laudas medievais máis importante do mundo: a que alberga a vila coruñesa de Noia na Igrexa de Santa María a Nova.

A caricatura será a protagonista deste mes de xuño na Biblioteca de Galicia. 

O sábado 13 de xuño, os máis pequenos -de 5 a 10 anos- aprenderán a poñerlle cara a cada letra do abecedario co obradoiro Cariletras. Unha fermosa e divertida ferramenta de ver as letras e signos de puntuación, potenciando a creatividade e o concepto de que todo é posible, só hai que pórlle imaxinación.