Gústache o teatro? Sempre pensaches en subir a un escenario? Queres vivir novas experiencias? A Cidade da Cultura de Galicia lanza unha convocatoria única!
Buscamos cen voluntarios para formar parte dunha acción escénica que xa deu a volta ao mundo. Trátase de Atlas, unha peza dos artistas portugueses Ana Borralho e Joao Galante, que reúne sobre o escenario a 100 persoas de diferentes profesións e identidades culturais.
A Cidade da Cultura convida a descubrir a maxia do cine a través do son. Será no obradoiro Sons de película, co que os máis pequenos da casa coñecerán os diferentes procesos de son que se levan a cabo nunha produción audiovisual: desde a rodaxe, á montaxe, edición e mistura final.
Como soa unha refrega de película? Bang!, Ouch!, Kapow!, Uggh! e un montón de sons máis que acompañan á música, aos diálogos, ao son ambiente… Gustaríache aprender a captalos? E a misturalos? E que tal facelos?
O conselleiro de Cultura, Educación e Ordenación Universitaria, Xesús Vázquez Abad, participou este venres na inauguración da exposición O berce do libro. Incunables da colección ABANCA, nun acto no que estivo acompañado do director xeral de Responsabilidade Social Corporativa e Comunicación de ABANCA, Miguel Ángel Escotet; e mais do secretario xeral de Cultura, Anxo Lorenzo.
A Cidade da Cultura celebrará o vindeiro mes de febreiro no Museo Centro Gaiás o festival Escenas do cambio, dedicado ao teatro, a danza e a arte en acción. Dezasete espectáculos, catro conferencias-performances e varios grupos de reflexión darán corpo a un programa integrado por compañías principalmente galegas, españolas, lusas e latinoamericanas.
“Sempre imaxinei que o Paraíso sería algún tipo de biblioteca”
Jorge Luis Borges
Este Nadal, a Cidade da Cultura convértese nun lugar onde todo é posible. Viaxar ao Círculo Polar en busca de aventuras, converter o 2014 nun videoclip, xerar melodías máxicas facendo xirar unha manivela, crear a túa propia película, recibir cancións por regalos… Do 6 de decembro de 2014 ao 4 de xaneiro de 2015, o Gaiás será o escenario onde os teus soños se fan realidade.
Saborear a maxia do celuloide e o brillo dos focos, ser protagonista da alfombra vermella, converterse nunha auténtica estrela ou descubrir todos os segredos que se agochan tras a cámara será posible grazas ás Visitas familiares a Cinegalicia25, unha forma lúdica de coñecer a historia do cine galego na que pais e fillos farán un percorrido por un país de imaxes.
Este Nadal, a Cidade da Cultura convértese nun lugar onde todo é posible. Música, teatro, xogos, obradoiros, concursos… Diversión, lecer e aprendizaxe mistúranse nun completo programa pensado para participar en familia.
