A Cidade da Cultura convídavos a un aperitivo cultural un sábado ao mes. Será a través de Nexos, o ciclo de cultura contemporánea que establece un diálogo entre diversas áreas do coñecemento en sesións que combinan relatorios con actuacións artísticas.
Nexos 2015 recupera vellos sinais de identidade como a súa celebración na Biblioteca e Arquivo de Galicia e o convite a un viño posterior ás sesións.
Se participaches no photocall da Rock'n'Kids instalado antes de que comezase a actuación do Baile de Entroido, xa podes descargar a túa imaxe.
Só tes que pinchar no seguinte enlace, buscarte e descargar a túa foto. Grazas a todos por participar!
https://www.dropbox.com/sh/xl47wla43yb2tcr/AABPl5F5Pq0qLiOasW4GezPqa?dl=0
Emprender é, sobre todo, unha actitude, unha cultura, unha forma de ver a vida e de transfomar as ideas en produtos, en servizos, en melloras. Con esta filosofía, o Centro de Emprendemento do Gaiás pon en marcha os Venres Emprendedores, unha cita mensual con profesionais que no seu día deron o paso e hoxe constitúen un caso de éxito.
A Cidade da Cultura de Galicia réndelle mañá sábado, 14 de febreiro, unha homenaxe ao correo postal cun encontro entre carteiros e o equipo da obra La máquina de la soledad de Oligor e Microscopía, da que hoxe se representará a última función no marco do festival Escenas do cambio.
A Biblioteca de Galicia pon en marcha catro obradoiros sobre A Imprenta, nos que os participantes poderán coñecer o proceso de elaboración de libros no século XV, coñecer o paso da escritura manuscrita á imprenta e utilizar diversas técnicas creativas así como dar renda á creatividade persoal.
Dedicado a rapaces de entre 6 e 10 anos, os obradoiros -de 90 minutos de duración- son de balde previa inscrición (a inscrición é individual para cada un dos catro obradoiros).
A Cidade da Cultura de Galicia convida á cidadanía a participar dunha forma simbólica na construción do Bosque de Galicia plantando unha árbore no Gaiás. A través da Fundación Cidade da Cultura e co apoio da Fundación USC Deportiva, persoais individuais ou en grupos poderán acudir os sábados pola mañá e contribuír a encher de vida as ladeiras do monte Gaiás.
Espectadores que se converten en deputados e ata elixen a duración da obra, un museo feito praia grazas a dúas toneladas de area, dez persoas preparados para a resistencia aprendendo un soneto de Shakespeare, un ring de boxeo feito espazo de danza compartido por público e bailaríns, un escenario que se sente libre ata para prescindir de actores… Do 4 ao 21 de febreiro, todo cambia no Gaiás.
A Cidade da Cultura celebra o vindeiro 16 de febreiro un Baile de Entroido no que gozar coas mellores cancións da historia do rock. Só por ir disfrazados, pais e nenos están convidados a asistir ao Museo Centro Gaiás a un concerto moi especial da ‘Rock and Kids band’, banda formada por iconas do rock local como Amy Guay, Angus, Jon Limón, Fredy Mercurio e Kiss.
Este 2015, o mellor baile de Entroido está no Gaiás porque temos preparado para vós un repaso polo mellor da historia do rock coa mellor banda do momento: a Rock and Kids band.
Da man de iconas do rock como Amy Guay, Angus, Jon Limón, Fredy mercurio e Kiss, grandes e pequenos faremos un percorrido pola historia do rock a través dos seus temas máis míticos.
Latitude, unha empresa pioneira no mundo da moda galega, establécese no Gaiás co obxectivo de contrubír desde aquí á reindustrialización do sector téxtil a través do valor engadido da sustentabilidade.
