A Cidade da Cultura de Galicia acolle os vindeiros 24 e 25 de marzo o Atlantic Emprende+Gaiás, un espazo para o encontro entre profesionais, estudantes, emprendedores e empresas do sector musical. Estas xornadas inclúen charlas de expertos en torno aos retos e oportunidades da industria no panorama actual, abordando temas como o rol da música no desenvolvemento dos territorios e do sector turístico; ou novos modelos de eventos e festivais, adaptados a novos públicos.

A Cidade da Cultura de Galicia adiántase á celebración do Día da Árbore (o 21 de marzo) e festexa este efeméride coa campaña Ponnos verde! coa túa escola, na que escolares plantarán carballos e bidueiros no Bosque de Galicia, inmerso na ampliación da segunda fase que contará, ao rematar, con 34 hectáreas e 12.000 árbores autóctonas.

A Cidade da Cultura de Galicia súmase á celebración do Día da Muller co primeiro concerto que se organizará na Comunidade galega dunha banda integramente feminina. Marcamos o compás xuntará, o 17 de marzo ás 20,30 h. no Museo Centro Gaiás, a 81 instrumentistas que interpretarán un repertorio de pezas creadas todas elas por compositoras.

A Cidade da Cultura de Galicia mergullarase hoxe no medievo a través das Cantigas de Amigo de Martín Códax e que interpretarán —do xeito máis fiel a como soaban na época— a emblemática formación Ensemble Micrologus no concerto de despedida do Pergamiño Vindel, que regresa a Nova York tras exhibirse durante seis meses no Museo do Mar de Galicia en Vigo.

A Cidade da Cultura de Galicia celebra o vindeiro 24 de marzo unha nova sesión de Nexos, na que a análise e a reflexión habitual no seus temas terán como protagonista, nesta ocasión, o estado actual do patrimonio galego, baixo o título Confín dos verdes castros... O patrimonio e a identidade de nós.

A Cidade da Cultura inaugurará o vindeiro 16 de marzo a exposición Galicia universal. A arte galega nas coleccións de ABANCA e Afundación, a mostra máis ambiciosa realizada nos últimos anos sobre arte galega.

O conselleiro de Cultura, Educación e Ordenación Universitaria, Román Rodríguez, e a directora da Banda de Música de Lalín, Isabel María Rubio Molina, mantiveron unha xuntanza de traballo para abordar o concerto que se celebrará na Cidade da Cultura de Galicia o vindeiro 17 de marzo, enmarcado nos actos conmemorativos do Día internacional da muller.

A Cidade da Cultura de Galicia despide este venres, día 2, o Pergamiño Vindel —que regresa a Nova York tras exhibirse durante seis meses no Museo do Mar de Galicia en Vigo— cun concerto especial dun dos grupos de música antiga máis aclamados da escena internacional, Ensemble Micrologus.

O ciclo de cultura contemporánea Nexos contou este sábado na Cidade da Cultura con dous referentes da banda deseñada e da animación en Galicia, Alberto Vázquez e Manel Cráneo, que analizaron as claves da explosión creativa que están a vivir ambas disciplinas, nas que eles dous teñen un amplo recoñecemento con tres Premios Goya, o primeiro; e un Premio Nacional de Cómic, o segundo.