A Cidade da Cultura de Galicia promove o cinema infantil coa celebración do Festival ‘Pequefilmes’, que na súa segunda edición proxecta durante esta fin de semana máis dun cento de curtametraxes, distribuídas en 23 sesións e procedentes de 33 países dos cinco continentes, que son complementadas con obradoiros de animación audiovisual tamén dirixidos á cativada.
A directora-xerente da Fundación Cidade da Cultura de Galicia, Ana Isabel Vázquez Reboredo, presentou esta mañá a institución como “recurso turístico estratéxico” no stand de Galicia en Fitur 2018, acompañada pola directora de Turismo de Galicia, Nava Castro.
A Consellería de Cultura, Educación e Ordenación Universitaria vén de chegar a un acordo co Centro Galicia de Bos Aires para exhibir por vez primeira en Galicia a obra de Alfonso Daniel Rodríguez Castelao ‘A derradeira leición do mestre’, cadro que nunca ten saído da Arxentina e que se considera clave na traxectoria do intelectual e artista de Rianxo.
O ciclo de cultura contemporánea Nexos regresa en 2018 á Cidade da Cultura de Galicia da man, de novo, de Marcos Lorenzo e con cinco sesións, do 27 de xaneiro ao 16 de xuño, nas que se volverán combinar relatorios didácticos, amenos e distendidos a cargo de destacados expertos con innovadoras e vangardistas actuacións artísticas.
Sesión de NEXOS INFANTIL dedicada ao ouvido, á voz e ao ritmo.
Situaremos Portugal no mapa, falaremos da súa cultura, do parentesco lingüístico co galego e poremos en común as nosas experiencias e coñecementos relacionadas co país veciño e realizaremos un mural no que plasmaremos toda a información compilada.
Vivimos en sociedades complexas, plurais e en constante cambio. A cultura contemporánea é a cada paso máis mestiza. Para descifrar as claves e tendencias de hoxe precisamos dunha visión panorámica que supere as vellas fronteiras do coñecemento, conxugando a un tempo os enfoques científico e humanístico.
Árabe non é sinónimo de islámico (o 80% dos musulmáns non falan árabe), nin islámico de islamista. Nin sequera o islamismo é unha realidade única ou monolítica: entre os seus afíns cohabitan visións moi dispares e enfrontadas. Porén, boa parte das informacións xornalísticas que recibimos deses países omiten a súa inmensa pluralidade e adoitan revestirse dun enfoque maniqueo.
Que en Galicia temos un rico patrimonio cultural ninguén o discute. A intensa humanización do territorio durante séculos deixou unha pegada recoñecible na paisaxe e na cultura tradicional. Porén, nas últimas décadas unha serie de prácticas están a ameazar ese tesouro: a construción indiscriminada de obra pública e privada, a expansión forestal, o espolio de obxectos a mans de tramas organizadas... Por outra parte non debemos esquecer que as dinámicas do presente tamén crean novos patrimonios que merecen atención e coidado.
O presidente da Xunta, Alberto Núñez Feijóo, referiuse hoxe ao Xardín do Teatro do Gaiás como un paso máis cara a unha cidade verde e da cultura máis viva, dinámica e acolledora, garantindo así o compromiso do Executivo autonómico cunha Cidade da Cultura “útil, digna e proporcionada” da que poidan gozar todos os galegos e galegas.
