O ciclo de cultura contemporánea Nexos volve este vindeiro sábado, día 24 de febreiro, á Cidade da Cultura de Galicia para analizar as claves da explosión creativa na banda deseñada e animación en Galicia. Para iso, contará con dous galegos, referentes en ambas disciplinas: Alberto Vázquez, gañador de tres Premios Goya, e Manel Cráneo, Premio Nacional de Cómic e creador do coñecido proxecto Planeta Mincha.

O conselleiro de Cultura, Educación e Ordenación Universitaria, Román Rodríguez González, e o presidente do Centro Galicia de Bos Aires, José María Vila Alén, asinaron esta mañá un acordo en virtude do cal o cadro A derradeira leición do mestre, unha das obras máis senlleiras pintadas por Alfonso Daniel Rodríguez Castelao, sairá por primeira vez de Arxentina para ser exhibida en Galicia.

O conselleiro de Cultura, Educación e Ordenación Universitaria, Román Rodríguez González, e o director do Instituto Cervantes, Juan Manuel Bonet, inauguraron esta tarde en Madrid a exposición Baldomero Pestana. A verdade entre as mans, nun acto ao que asistiu tamén o director de Relacións Culturais e Científicas da AECID, Roberto Varela.

A exposición José Suárez. Uns ollos vivos que pensan exhíbese desde hoxe e ata o 8 de abril na Hospedería Fonseca, da Universidade de Salamanca, co gallo da celebración do VIII centenario desta institución senlleira, tras terse amosado en Madrid, Bos Aires, Montevideo, París, Toquio e Nova Delhi.

A Cidade da Cultura de Galicia convida as familias ao seu Entroido Mareiro cun trouleiro baile de disfraces coa temática do mundo mariño para hoxe luns, amenizado por Pablo Díaz e a banda Tic Tac Toc; e para ese mesmo día e ao seguinte ( mañá, martes 13) cóntanse con obradoiros matinais para que a cativada elabore a súa máscara tradicional con materiais de refugallos.

Un programa dobre de danza e música será o encargado de pechar este sábado ‘Escenas do Cambio’, o Festival de Inverno de Teatro, Danza e Arte en Acción da Cidade da Cultura. Dunha banda, o coreógrafo sirio Mithkal Alzghair trae a Galicia o seu espectáculo 'Displacement', que aborda os efectos devastadores da guerra en Siria. A continuación subirán ao escenario do Museo Centro Gaiás María Arnal & Marcel Bagés, que presentarán neste directo a súa vertente máis experimental.

A Cidade da Cultura de Galicia sumarase á programación de despedida do ‘Pergamiño Vindel’ —que regresa a Nova York tras exhibirse durante seis meses no Museo do Mar de Galicia en Vigo— cun concerto especial, xa que un dos grupos de música antiga máis aclamado da escena in

A programación do Festival de Inverno de Teatro, Danza e Arte en Acción Escenas do Cambio ergue de novo o pano este xoves, día 8, espallando a súa programación do Gaiás ao centro da capital galega coa peza do coreógrafo portugués Miguel Pereira Miguel Meets Karima, na Sala Agustín Magán no Centro Sociocultural de Santa Marta; e con