A xornada lúdico-formativa CreaGaiás reuniu este venres no Centro de Emprendemento a emprendedores e profesionais das industrias creativas e culturais nun programa que incluíu obradoiros, charlas, espazo para o networking e un mercado creativo no que o público asistente puido coñecer as empresas residentes no coworking da Cidade da Cultura.
A mesta herdanza da cultura árabe e musulmá, o seu contexto xeopolítico e aos seus conflitos sociais actuais foron analizados polo miúdo este sábado, día 14, nunha nova sesión de Nexos, unha análise que buscou afastarse dos clixés e tópicos, da man da socióloga Gema Martín Muñoz, directora da Casa Árabe durante seis anos.
A exposición José Suárez. Uns ollos vivos que pensan exhíbese desde hoxe e ata o 15 de julio no Museo de Belas Artes da Coruña. A mostra, promovida pola Fundación Cidade da Cultura de Galicia, retorna a Galicia na súa última itinerancia, tras ser inaugurada en novembro de 2015 no Museo Centro Gaiás en Santiago de Compostela e terse amosado en Madrid, Bos Aires, Montevideo, París, Toquio, Nova Delhi e Salamanca.
A Cidade da Cultura inaugurará o vindeiro 30 de abril a exposición Pestana, a verdade entre as mans para recuperar e pór en valor a obra do fotógrafo galego (Castroverde, Lugo. 1917-2015), descoñecido para o gran público, pero todo un referente da imaxe na segunda metade do século XX.
Xa está aberta a inscrición para a Holi Gaiás do sábado 5 de maio!
A banda española Tulsa, formación liderada pola cantautora guipuscoana Miren Iza, será a encargada de pechar o vindeiro venres 13 de abril na Cidade da Cultura a xornada lúdico-formativa CREAGAIÁS. A iniciativa, promovida polo Centro de Emprendemento do Gaiás, nace co obxectivo de potenciar e pór en valor proxectos emprendedores culturais e creativos, ademais de apoiar e formar
Cidade Verde é unha actividade pensada para o pleno contacto coa natureza e os seus elementos. E o vento ten un especial protagonismo na Cidade da Cultura de Galicia, onde as fortes rachas que se rexistran no monte Gaiás, desde onde emerxe, forman parte do seu carácter aguerrido, do que queremos que tiredes proveito con nós e gozar das súas vantaxes fronte os posibles inconvenientes. Por iso, convidámosvos a gozar dunha demostración de papaventos!
Queredes vir festexar a chegada dos primeiros raiolos, flores e cores que supón sempre a estación da primavera no Bosque de Galicia? Participade nas Andainas Cidade Verde nas que as descubertas van ser maiores e máis sorprendentes das que seguro imaxinades.
Tras o éxito do ano pasado, na que se esgotaron decontado todas as prazas para participar, sabemos que ides ser moitos e moitas os/as que ides vir festexar a chegada da primavera á Cidade da Cultura de Galicia participando na carreira máis multicor e divertida de Galicia, a Holi Gaiás!
A Cidade da Cultura de Galicia celebrou este sábado día 7 divertidos e creativos obradoiros familiares sobre arquitectura para sumarse ao programa de actividades ao redor do Día das Artes Galegas, que este ano se lle dedica a Alejandro de la Sota (Pontevedra, 1913 – Madrid, 1996) e do que se tivo unha mostra dos seus deseños no Museo Centro Gaiás coa exposición Da árbore á cadeira.
