No mes de novembro a Biblioteca de Galicia converterase todos os sábados nun divertido laboratorio con experimentos e moita ciencia —explicada en galego e para todos os públicos— grazas a obradoiros, faladoiros e incluso unha obra de teatro científica adaptada para persoas con problemas con dificultade auditiva.
A Xunta de Galicia converterá a Cidade da Cultura nun efémero cinema de outono para proxectar as tardes dos domingos 18 e 25 de outubro e 1 e 8 de novembro un pequeno ciclo familiar cos filmes Inside out, Le Havre, Ma vie de courgette e
"Medramos cara á infancia".
A Cidade da Cultura celebrará os sábados 24 e 31 de outubro e 14 de novembro os seus Magostos no Gaiás, amenizados cada un deles coa música de raíz de Luar na lubre, de jazz contemporáneo de Sumrrá e cos inconfundibles sons de folk celta de Milladoiro.
O secretario xeral de Cultura, Anxo M. Lorenzo, inaugurou hoxe na Biblioteca de Galicia a exposición Concepción Arenal: Bicentenario 1820-2020, unha mostra coa que a Xunta de Galicia rende homenaxe a esta autora e que reúne varias das súas primeiras composicións, incluídas as reproducións dalgunha das súas cartas, como a que custodia a Biblioteca do Mosteiro de Poio.
O I Congreso Internacional de Teatro Galego celébrase desde hoxe ata o sábado 10 de outubro na Cidade da Cultura de Santiago de Compostela. Baixo o lema co lema “Co 2030 no horizonte”, o congreso pretende, entre outros obxectivos, crear un plan estratéxico e unha lei do teatro na próxima década.
O nome de Concepción Arenal dálle nome a un colexio, a un instituto, a unha rúa ou unha praza, ou a unha institución pública. Pero, por que nalgún momento alguén decidiu darlle tal honor á posuidora de tal nome?
A VI Maker Faire Galicia, unha das feiras maker máis importantes de Europa, desenvolverase este ano 100% online e contará por primeira vez cunha xornada destinada en exclusiva á educación. O novo formato permitirá que esta sexta edición da feira de innovación se poida seguir deste todo o mundo, o que fará posible fortalecer os valores diferenciais da cita no referido ao coñecemento compartido e ao seu carácter interactivo.
O presidente do Goberno galego, Alberto Núñez Feijóo, reivindicou hoxe os valores e principios da Xeración Nós, que permanece fiel a un galeguismo de concordia e onde se atopan as orixes culturais “da Galicia que somos”.
“A Xeración Nós percorre a nosa cultura, a retrata e a rescata”, dixo, lembrando que, a partir dese fito que marca aquela congregación de talento e empuxe, a cultura galega ten un lugar relevante e imprescindible na sinfonía das grandes culturas do mundo.
Descubre da man dos nosos guías a gran cita cultural deste outono no que conmemoramos o centenario da revista Nós. Convidámoste a un percorrido, artellado en cinco seccións, desde o tempo dos considerados pais do galeguismo contemporáneo ata os nosos días no que coñeceremos polo miúdo unha publicación que é referente imprescindible da Galicia contemporánea.
