Atardecer no Gaiás -o ciclo de concertos de balde e ao solpor da Xunta de Galicia na Cidade da Cultura- apostará pola músicas urbanas e en galego do dúo compostelán Verto para musicar o solpor de mañá e para o que xa están todas as entradas-convites esgotadas.
Agosto é o mes do verán que máis vencellamos coas vacacións e con divertidos plans en familia. E na Cidade da Cultura ides atopalos cunha programación que adobía á perfección lecer e cultura para a vosa cativada.
A Praza Central da Cidade da Cultura acollerá o vindeiro 29 de xullo ás 21,00 horas o macroespectáculo de La Fura dels Baus NN (Nova Normalidade), unha proposta dirixida por Carlus Padrissa coa que a compañía catalá recoñece o traballo do persoal sanitario e científico que traballa na loita contra a covid-19. O espectáculo contará coa participación de máis dunha vintena de artistas galegos, que nesta función en Santiago de Compostela se sumarán ao elenco do que forman parte un centenar de actores, bailaríns e cantantes, e tamén coa colaboración de entidades locais.
O espazo expositivo do Arquivo e Biblioteca de Galicia ten aberta ao público a exposición Memoria dunha Década, coa que quere celebrar dez anos de existencia do Arquivo de Galicia.
La Fura dels Baus trae o seu novo macroespectáculo NN (Nova Normalidade) á Cidade da Cultura, unha proposta estreada este mesmo mes de xullo e dirixida por Carlus Padrissa coa que a compañía catalá quere recoñecer o traballo do persoal sanitario e científico que traballa na loita contra a covid-19.
A Real Filharmonía de Galicia regresa mañá aos escenarios no Museo Centro Gaiás, despois dun parón de catro meses debido á crise sanitaria. Esta actuación, para a que xa están esgotadas as entradas-convite, pechará o ciclo Matinais clásicas, que durante tres sábados consecutivos permitiu gozar da música na Cidade da Cultura, en concertos de balde e con prazas moi limitadas en cumprimento das medidas de distancia social.
Atardecer no Gaiás —o ciclo de concertos de balde e ao solpor da Xunta de Galicia na Cidade da Cultura— bota a andar mañá ás 21 horas coas composicións íntimas e vitalistas de Fon Román, ex guitarrista do coñecido grupo Los Piratas, e para o que xa están todas as entradas-convites esgotadas.
Un percorrido pola música de cámara para clarinete e trío de cordas de entre finais do século XVIII e principios do XIX foi o repertorio escollido por M. Sancho Quartet para o concerto de hoxe do ciclo Matinais Clásicas, que cada sábado está a congregar no Museo Centro Gaiás a un cento de asistentes para gozar da música clásica en recitais de pequeno formato e prazas limitadas.
Atardecer no Gaiás –o ciclo de concertos de balde e ao solpor da Xunta de Galicia na Cidade da Cultura– volveralle pór banda sonora ao verán do 9 de xullo ao 3 de setembro con actuacións ao aire libre os xoves.
A Cidade da Cultura de Galicia ten aberta nas Torres Hejduk a instalación artística Paisaxes incultas, unha intervención de Cristina García Fontán, na que enxalza o importante valor para o patrimonio cultural do monte autóctono galego e na que nos advirte da metamorfose que está a sufrir pola invasión de especies adventicias.
