A Cidade da Cultura de Galicia levará ao vindeiro mes de maio a celebración do festival Escenas do cambio, previsto do 18 ao 21 de febreiro, debido ás limitacións sanitarias que afectan á organización dun evento internacional no que participan artistas e compañías procedentes de cinco países.
A Xunta de Galicia lanza unha visita virtual para a exposición As miradas de Isaac, aberta desde o 6 de novembro de 2020 no Museo Centro Gaiás da Cidade da Cultura e cuxo peche ao público –pola actual situación da covid-19– obrigou a suspender as visitas presenciais desde o 27 de xaneiro ata o 17 de febreiro.
O 30 de xaneiro celébrase o Día da Ilustración, efeméride coa que a Consellería de Cultura pretende potenciar esta arte e situala no lugar que lle corresponde. Trátase dunha data que se fai coincidir co aniversario do nacemento de Castelao, que tivo entre as súas múltiples facianas de éxito a de gran debuxante.
O festival infantil de curtametraxes Pequefilmes, promovido pola Xunta de Galicia para fomentar a creatividade e o gusto polo audiovisual entre os públicos máis novos, continuará o seu desenvolvemento a través da rede. Entre o sábado 30 de xaneiro e o luns 1 de febreiro, o público poderá ver desde as súas casas a escolma de curtametraxes do festival –organizada en catro sesións– a través da plataforma tv.festhome.com.
|
Afonda de xeito virtual no percorrido vital e profesional dun creador inesgotable |
A Fundación Cidade da Cultura de Galicia, ante as modificacións das restricións sanitarias anunciadas no Decreto 26/2021 e Orde do 15 de febreiro de 2021, comunica as seguintes medidas, en vigor do 17 de febreiro ao 3 de marzo:
➖ Apertura ao público das instalacións do Museo Centro Gaiás, e da exposición As miradas de Isaac, no horario habitual –de 10 a 20h–, e a un terzo da súa capacidade.
A Consellería de Cultura, Educación e Universidade promove a creatividade e o gusto polo audiovisual entre os máis pequenos e pequenas cunha nova edición do festival infantil de curtametraxes Pequefilmes, que mañá arranca na Cidade da Cultura de Galicia, podendo verse tamén, por vez primeira, a través da rede. A directora xerente da Fundación Cidade da Cultura, Ana Isabel Vázquez Reboredo, presentou esta mañá no Gaiás a programación e novidades desta quinta edición de Pequefilmes, acompañada do director do festival, Jorge Rivero, e do director da Agadic, Jacobo Sutil.
O Museo Centro Gaiás da Cidade da Cultura bota a andar hoxe as visitas didácticas a través de videoconferencias para explicar e dar a coñecer a exposición As miradas de Isaac aos centros escolares. Neste intre, xa están inscritos preto de 30 colexios.
O Museo Centro Gaiás da Cidade da Cultura acolleu hoxe a preestrea de 3 Caminos, primeira serie internacional sobre a ruta xacobea e gran produción audiovisual do Xacobeo 2021-2022 é que foi considerada polo presidente do Goberno galego, Alberto Núñez Feijóo, como “a mellor carta de presentación de Galicia”.
