A Xunta de Galicia vén de iniciar a elaboración do II Plan Estratéxico da Cidade da Cultura, a folla de ruta que marcará a dirección do Gaiás durante o período dos próximos sete anos (2021-2027). Nas próximas semanas desenvolverase un programa de traballo no que participarán 60 expertos, especialistas nas diferentes áreas nas que opera a Cidade da Cultura (cultura, tecnoloxía, turismo, emprendemento, natureza...), e tamén coa previsión de escoitar a opinión da cidadanía a través de 600 enquisas online.
Grazas aos catálogos as exposicións non esmorecen nunca. Cando se clausuran, continúan vivas nestas publicacións (en formato papel ou dixital) para volver a descubrilas doutro xeito, a través das achegas que recollen os textos das e dos comisarios e expertos e a través do novo e enquirecedor relato visual que lle aporta e potencia o traballo dos e das profesionais que hai sempre detrás do seu deseño.
A Cidade da Cultura de Galicia, no marco das iniciativas dixitais desenvolvidas para que as restricións da pandemia non impidan acceder aos seus contidos culturais, ofrecerá esta fin de semana ás 12,00 horas visitas guiadas á exposición As miradas de Isaac emitidas en directo a través da súa canle de Youtube.
Nesta nova cita de concerto didáctico arredor das músicas do Camiño de Santiago, a soprano Esperanza Mara transportaranos á época medieval a través do son de arpas, salterios ou laúdes e das melodías da lírica galego-portuguesa.
Os camiños comunican dous lugares e teñen sempre un dobre senso: levan e traen. Esta é a máxima que rexe o concerto A música e o Camiño: a gaita, que procura achegar ao público a influencia nas nosas músicas do Camiño de Santiago, ruta de peregrinación de extraordinaria viveza cultural.
Este 2021 dedícase por vez primeira o Día da Ilustración a unha muller, Lolita Díaz Baliño (A Coruña, 1925-1963), artista multidisciplinar que foi unha relevante pintora e ilustradora e sorprendente e inxustamente esquecida durante anos.
A Cidade da Cultura de Galicia encabeza a clasificación de institucións e proxectos culturais máis destacados do ano 2020 en Galicia, que vén de publicar o Observatorio da Cultura da Fundación Contemporánea. Elaborado coas valoracións dun panel de 472 expertos e profesionais de toda España, o Gaiás lidera a listaxe de insignias culturais 2020 correspondente a Galicia, seguido do Culturgal, o CGAC, o Teatro Rosalía de Castro ou a (S8) Mostra de Cinema Periférico, entre outras destacadas institucións e acontecementos culturais.
O persoal de guías do Museo Centro Gaiás están este sábado á túa disposición en liña e en directo para que descubras con eles a exposición As miradas de Isaac, a primeira grande exposición homenaxe a Díaz Pardo, unha das figuras máis importantes da cultura galega do século XX.
