Escenas do cambio 2021 [Do 18 ao 21 de febreiro] xunta nun mesmo festival a oito mulleres creadoras galegas que están a triunfar dentro e fóra das nosas fronteiras co teatro e coa danza: Marta Pazos, Ana Vallés, Begoña Cuquejo, Nurisa Sotelo, Kirenia Martínez, María Roja, Clara Ferrão e Paula Quintas.
Percorre a exposición a través da súa visita virtual. Preme na imaxe!
|
AVISO: EXCLUSIVAMENTE EN LIÑA a través de tv.Festhome.com. |
-----
O Museo Centro Gaiás da Cidade da Cultura amplía o seu programa pioneiro en Galicia de levar as exposicións ás aulas -a través de visitas didácticas por videoconferencia- coa incorporación da mostra As miradas de Isaac a esta modalidade en liña.
O conselleiro de Cultura, Educación e Universidade, Román Rodríguez, e a directora Axencia para a Modernización Tecnolóxica de Galicia (Amtega), Mar Pereira, presentaron hoxe na Cidade da Cultura a web da Revista Nós que aglutinará nun único portal todos os contidos vencellados co grupo de intelectuais que revolucionou a Galicia do seu tempo ensanchando as nosas fronteiras culturais.
Isaac Díaz Pardo e Luis Seoane protagonizaron unha fermosa historia de amizade da que froitificaron proxectos culturais de tanta envergadura como o Laboratorio de Formas ou o Museo Galego de Arte Contemporánea - Carlos Maside. Desde a semana pasada, a Cidade da Cultura exhibe de forma permanente un testemuño único deste vínculo: o mural que Seoane concibiu para a fábrica de Porcelanas de Magdalena, que Isaac fundara na pampa arxentina, a carón do río da Prata.
O ciclo Arredor de Nós convidou a cinco especialistas para descubrir con eles as diferentes facianas da exposición Galicia, de Nós a nós, nunhas visitas en sala que agora podedes ver compiladas na nosa canle de youtube.
O Bosque de Galicia acolle a intervención artística Espellos realizada polo artista Manolo Paz co obxectivo de afianzar o vínculo deste complexo arquitectónico coa Ruta Xacobea e a cidade de Santiago de Compostela.
Está composta por grandes cilindros de pedra que funcionan como unha gran fiestra de pedra desde a que contemplar a capital galega desde unha perspectiva única.
O conselleiro de Cultura, Educación e Universidade, Román Rodríguez, achegouse ao Bosque de Galicia, na Cidade da Cultura, para visitar a intervención artística Espellos realizada polo artista Manolo Paz co obxectivo de afianzar o vínculo deste complexo arquitectónico coa Ruta Xacobea e a cidade de Santiago de Compostela.
