As miradas de Isaac | Visitas comentadas en liña a fin de semana

O persoal de guías do Museo Centro Gaiás están este sábado e domingo (13 e 14 de febreiro) á túa disposición en liña e en directo para que descubras con eles a exposición As miradas de Isaac, a primeira grande exposición homenaxe a Díaz Pardo, unha das figuras máis importantes da cultura galega do século XX.

Tan só tes que conectarte á canle de Youtube da Cidade da Cultura ás 12 horas o sábado ou o domingo para facer este percorrido virtual guiado polo Servizo de Mediación, Educación e Atención ao Visitante da Cidade da Cultura a través dez seccións coas que esta mostra afonda na interesante vida e proxectos do impulsor da fábrica de Sargadelos, o Laboratorio de Formas, o Instituto Galego de Información, Ediciós do Castro ou o Museo de Arte Contemporánea Carlos Maside.

Deste xeito, vas poder descubrir desde a comodidade da casa e da man dos nosos guías este personaxe imprescindible da cultura galega que foi pintor, cartelista, ceramista, editor, escritor e emprendedor cultural.

 
 
6 Nov 2020 - 4 Abr 2021
De martes a domingo | de 10 a 20h
6 Nov 2020 - 30 Mai 2021
De 9 a 21 h
12 Nov 2020 - 7 Mar 2021
De luns a domingo | De 10 a 20 h
21 Dec 2020 - 5 Mar 2021
De 9 a 21 h
30 Xan - 13 Mai 2021
De 9 a 21 h
16 Xan - 27 Mar 2021
Sábados ás 12 h
ADIADO A MAIO