Hai cubertas de libros que son verdadeiras obras de arte. Tapas de publicacións que foron encargadas a Miró, Tapies, Picasso, Seoane, Maside ou Díaz Pardo e que decidiron enfrontarse a elas como se fosen auténticos lenzos e que —tanto pola calidade creativa, como pola autoría das mesmas— merecerían ser enmarcadas e amosadas como tales nun museo.
Na Cidade da Cultura contades desde este mércores, 15 de xaneiro, cun novo espazo de restauración, situado no Museo Gaiás, para atender o incremento de traballadores e visitantes ao complexo. Este novo servizo de restaurante-cafetería súmase aos actuais de: A Cantina do Gaiás [situada no edificio do Centro de Emprendemento] e a cafetería O Roupeiro [no edificio CINC]. Ademais, dispón de dúas terrazas: unha exterior e outra interior, situada no Hall de Tirantes do propio museo.
Só nunha parte moi reducida da Biblioteca e Arquivo de Galicia se permite o acceso ao público. A entrada no resto das áreas atópase restrinxida por motivos técnicos e de seguridade, pero mañá venres ás 12 horas abrirase unha oportunidade excepcional para explorar estas zonas reservadas e coñecer os segredos desta institución gardiá da nosa memoria.
A Biblioteca de Galicia adianta ao venres 10 de xaneiro os festexos do Día dos Usuarios e Usuarias das Bibliotecas (efeméride celebrada o 11 de xaneiro). Con motivo deste día, agasallaranse libros ás persoas que se acheguen entre ás 8 e ás 21 horas, contos e novelas tanto para a cativada como para os adultos.
O Museo Gaiás da Cidade da Cultura superou no Nadal as 23.000 visitas grazas á mostra Galicia, un relato no mundo —primeira grande exposición internacional da Xunta de Galicia para o Xacobeo`21— e ás actividades para público familiar para estas datas, nas que se recreou unha vila máxica elaborada con globos de látex natural e biodegradables, dinamizada con obradoiros de balde e con dous grandes espectáculos: un circense-musical e outro con sete magos internacionais.
O 2020 será o ano no que se remate o Fontán, que estará plenamente operativo no Xacobeo'21. Nas fotografías da galería do blog obsérvase o avance da construción desde o inicio dos traballos a principios de 2019, así como da transformación do baleiro deixado polo Teatro da Ópera [un dos edificios paralizados] nun xardín.
Non sempre os Reis Magos chegaron de Oriente, polo menos en Galicia. Houbo un tempo no que os agasallos máis agardados do ano procedían de Suíza, Alemaña ou A Arxentina, daqueles países onde os emigrantes enviaban á casa radios, máquinas de fotos ou mesmo os primeiros ordenadores, un catálogo de anovadores artigos que revelaba o progreso acadado polos que marcharan na procura de oportunidades.
Outra das historias que entretece a exposición Galicia, un relato no mundo lévanos ao antigo Imperio Romano e a como o seu exército foi o primeiro mecanismo de integración das elites guerreiras do Noroeste na cerna do Imperio.
A Dirección Xeral de Xuventude, Participación e Voluntariado exhibe na Sala Eisenman da Cidade da Cultura as obras premiadas no programa Xuventude Crea durante os seus dez anos de existencia. Desde o 19 de decembro e ata o 7 de xaneiro recuperaranse as creacións das mozas e mozos nas especialidades de artes plásticas, deseño de xoias e fotografía.
