A Asociación Galega de Áridos (Arigal) celebra na Cidade da Cultura unha xornada para dar a coñecer as accións que vén realizando para fomentar o sector. Entre as iniciativas que se presentarán destaca o vídeo documental Que sabes dos áridos?, realizado por La Esponja ou o cómic Lagartiño e o futuro da canteira, ilustrado por Manel Cráneo.
Conecta+ é unha ferramenta para poñer en contacto a creadores e creadoras galegos, que teñan proxectos en fase de desenvolvemento, con produtores —tanto galegos coma do resto España— que poidan estar interesados en desenvolvelos. Os encontros de Conecta+ terán lugar o 15 de decembro de 2018 no Museo Centro Gaias na Cidade da Cultura.
O martes 4 de decembro, ás 17:00 horas, terá lugar na Cidade da Cultura unha masterclass e 'pitching' para proxectos audiovisuais, impartido por Peter Andermatt, director da Oficina MEDIA España.
O Museo Centro Gaiás da Cidade da Cultura acolle a exposición das coleccións finalistas da especialidade de moda do programa ‘Xuventude Crea’ que estarán expostas ata o 9 de decembro.
A Fundación Cidade da Cultura presentou hoxe no Culturgal, a feira das industrias creativas, un avance da súa programación de inverno, na que os nenos e nenas terán un papel destacado, especialmente nos meses do Nadal. Obradoiros creativos, cinema e unha grande árbore de Nadal para decorar en común sobresaen entre as actividades se poderán gozar no Gaiás.
A Consellería de Economía, Emprego e Industria entregará os Premios do Comercio Galego 2018 o día 4 de decembro nun acto na Cidade da Cultura. Estes galardóns buscan poñer en valor as boas prácticas e a aposta pola calidade e a innovación no sector.
O recital da Coral Polifónica de Pontevedra deste sábado, día 1, no Museo Centro Gaiás ofrece a oportunidade case única de poder ver un dos panos deseñados á formación por Alfonso D. Rodríguez Castelao.
A Cidade do Nadal xirará ao redor dunha árbore xigante que estará situada no Hall de Tirantes do Museo Centro Gaiás. A estrutura, fabricada en madeira, concíbese como un elemento para reunir ás familias, que traballarán xuntas para engalanala cos afeites que fabricarán nos diferentes obradoiros.
