Tras o seu paso polo Museo Centro Gaiás e o Café Moderno Afundación en Pontevedra, a exposición Outras historias posibles viaxe a Coruña no marco das itinerancias da Cidade da Cultura. A mostra poderá visitarse na Sede Afundación A Coruña ata o 30 de maio e conta con 56 pezas e máis de 40 documentos.
Pandora cambiou o mundo movida pola súa curiosidade. Así como ela, Begoña Caamaño transformou o mundo que nos contaron, imaxinando e reescribindo outros relatos. Porque mudar o relato é tamén unha forma de cambiar o mundo.
O conselleiro de Cultura, Lingua e Xuventude, José López Campos, inaugurou hoxe a exposición Mulleres Sobranceiras. Luísa Villalta. Música, palabra e compromiso no Arquivo de Galicia como parte da programación da Xunta de Galicia con motivo do Día Internacional da Muller. Trátase dunha mostra que recupera parte dos fondos persoais da autora, recentemente cedidos pola familia, e que pode visitarse ata o vindeiro mes de decembro.
O Arquivo de Galicia inaugura a exposición Mulleres sobranceiras. Luísa Villalta. Música, palabra e compromiso, grazas á recente doazón do arquivo persoal da autora por parte da súa familia. Esta doazón converte ao Arquivo nunha das institucións de referencia para o estudo da figura de Luísa Villalta e permite achegar ao público a vida e obra dunha das intelectuais máis brillantes da súa xeración.
A Xunta de Galicia programará unha xornada lúdica na Cidade da Cultura arredor do potencial artístico e creativo do xogo. Será o vindeiro sábado 14 de marzo cando, ao longo de toda a xornada, se desenvolverá no Museo Centro Gaiás un amplo abano de actividades que inclúen desde instalacións sensoriais e arquitecturas inchables ata obradoiros creativos de experimentación artística.
A directora-xerente da Fundación da Cidade da Cultura, Ana Isabel Vázquez, inaugurou hoxe a mostra Botamos un baile? Un século de orquestras de verbena en Galicia, que exhibe a evolución destas agrupacións desde principios do século XX ata a actualidade. O proxecto, que se enmarca dentro das itinerancias expositivas do Gaiás, pode visitarse no Campo da Feira de Guitiriz ata o 25 de marzo.
Que farías se herdases un caderno dunha amiga íntima de Begoña Caamaño? Nesta peza teatral coñecemos a historia dunha xornalista que decide gravar un podcast en vivo para contalo. Con motivo do Día Internacional da Muller, a Biblioteca de Galicia tráenos a estrea absoluta de Begoña Caamaño: o transgredir das ondas, unha peza que narra a historia de Begoña a ollos da súa íntima amiga África, a quen coñeceu un 8 de marzo de 1997.
Por décimo ano consecutivo, o Colectivo RPM –entidade independente dedicada ao impulso da danza e as artes vivas de creación contemporánea en Galicia– abre unha nova convocatoria anual das Residencias Paraíso, un programa de residencias artísticas para a danza e as artes vivas no que colabora a Fundación Cidade da Cultura a través das Residencias Artísticas do Gaiás (REGA).
O conselleiro de Cultura, Lingua e Xuventude, José López Campos, inaugurou hoxe no Museo Centro Gaiás a exposición As estacións do ano na arte galega dos séculos XX e XXI.
Este mes de marzo a exposición Francisco Asorey. Unha recuperación necesaria recibe dúas novas visitas especiais, guiadas neste caso pola escultora Cuqui Piñeiro, quen achegará ao público unha aproximación directa aos procesos propios da fundición artística e ao oficio tradicional do bronce.
