A Xunta de Galicia fomenta a accesibilidade das persoas xordas e xordocegas á programación da Cidade da Cultura mediante a colaboración coa Federación de Asociacións de Persoas Xordas de Galicia, en liña cos obxectivos da Lei de cultura inclusiva e accesible impulsada polo Goberno galego.
A Xunta de Galicia e Fundación Telefónica exhiben a partir de febreiro no Museo Centro Gaiás a exposición Mundo expandido. Entre o físico e o virtual, unha reflexión sobre os límites da realidade física e da simulación dixital, que explora a pulsión humana por crear e habitar mundos virtuais.
Pequefilmes fai 10 anos e volve ao Gaiás a celebrar o seu aniversario! O fin de semana do 27 e 28 de febreiro e 1 de marzo poderedes gozar do mellor cinema miúdo na Cidade da Cultura.
A programación desta cita imprescindible para grandes e pequenos afeccionados á sétima arte organízase en tres salas diferenciadas por idades recomendadas —Vagalumes, Miñocas e Fanecas— e obradoiros nos que a cativada poderá dar os seus primeiros pasos como cineastas.
A Xunta de Galicia e a Cámara de Comercio de Santiago de Compostela veñen de renovar o seu acordo para promover a formación dos profesionais das industrias culturais e creativas galegas no eido da innovación tecnolóxica. Trátase dunha colaboración que permite desenvolver desde cursos de xeración de experiencias con intelixencia artificial ata o uso de novas ferramentas na xestión do patrimonio.
Neste entroido 2026 as esculturas do museo cobran vida, baixan do seu pedestal e organizan un gran baile. Como serían as esculturas se puideran moverse e bailar? Como vestirían? Que cores levarían? Este ano, convidamos aos nenos e nenas a reimaxinar a obra de Asorey e convertila nun gran baile de esculturas!
[ENTRADAS ESGOTADAS]
E se o virtual non fose unha copia da realidade, senón outro xeito de habitala?
Que significa ser humano nun mundo expandido?
A Cidade da Cultura e a Cámara de Comercio de Santiago de Compostela presentan un programa de formación orientada a profesionais das industrias culturais e creativas galegas, cunha especial atención á innovación tecnolóxica. A través desta colaboración, o obxectivo é capacitar aos participantes no uso de novas ferramentas e técnicas aplicadas á xestión, produción e difusión de proxectos culturais.
Na sala Fanecas de Pequefilmes proxéctanse curtametraxes dirixidas a nenos e nenas a partir dos 7 anos de idade. O público que acuda ás proxeccións na Cidade da Cultura poderá votar polos seus filmes favoritos de cada sesión e o seu criterio será o que determinará un dos premios do festival.
As proxeccións poderán verse na sala de seminarios, no andar 0 do Museo Centro Gaiás e cada sesión ten unha duración aproximada de 50 minutos.
A sala Miñocas de Pequefilmes inclúe curtametraxes dirixidas a nenos e nenas a partir dos 4 anos de idade. O público que acuda ás proxeccións en sala na Cidade da Cultura poderá votar polos seus filmes favoritos de cada sesión e o seu criterio será o que determinará un dos premios do festival.
As proxeccións serán no Andar -1 do Museo Centro Gaiás e cada sesión durará aproximadamente 50 minutos.
A sala Vagalumes de Pequefilmes programa dúas sesións de curtametraxes dirixidas a nenos e nenas de 0 a 3 anos de idade que se proxectarán do venres 27 de febreiro ao domingo 1 de marzo.
As sesións serán na sala de proxeccións, situadas no Andar 0 do Museo Centro Gaiás e cada unha ten unha duración aproximada de 40 minutos.
