Unha vintena de mozos fórmanse en desenvolvemento de videoxogos da man da Xunta e a Cámara de Comercio

Un total de 25 mozas e mozos galegos menores de 30 anos comezan hoxe o curso formativo Videoxogos e emprendemento, un programa de sete semanas de duración promovido pola Cámara de Comercio de Santiago de Compostela, a Xunta –a través da Fundación Cidade da Cultura– e a Fundación Incyde. A iniciativa proponse promover o éxito empresarial entre os participantes, xa sexa a través de novas oportunidades de crecemento profesional ou apoiando o nacemento e consolidación de novos proxectos de negocio e a creación de empresas.

Santiago de Compostela, 19 de Abril de 2021

Narración musicada do Quixote no Xardín do Teatro do Gaiás

A Xunta de Galicia impulsou hoxe na Cidade da Cultura de Galicia unha iniciativa no marco do Día do Libro coa representación de As enxeñosas do Fidalgo, unha narración musicada para cativada da primeira tradución completa ao galego do Quixote, realizada por un equipo de lingüistas dirixido por Valentín Arias, do que formaba parte a súa filla, Xela Arias, homenaxeada coas Letras Galegas 2021.

Santiago de Compostela, 19 de Abril de 2021

Visitar as exposicións do Museo Centro Gaiás: algunhas claves

Vas visitar as exposicións do Museo Centro Gaiás? Aquí che deixamos algunha información práctica! 

➖ A entrada a todas as exposicións é libre e de balde. Non hai que reservar praza previamente, polo que podes visitalas ao teu aire! Ademais, abren todos os días menos os luns, e o horario de visita é ininterrompido de 10 a 20h.

➖ Por mor da covid-19, a capacidade do Museo está ao 50% da habitual, polo que en momentos puntuais o acceso ás salas pode estar limitado.

Galego

As exposicións do Gaiás xa están nas aulas con 2.000 estudantes inscritos para 'Faraón. Rei de Exipto' e 'Os brancos segredos do seu ventre'

A Cidade da Cultura xa ten inscritos, neste intre, a 2.000 estudantes paras as visitas didácticas por videoconferencia á exposición Faraón. Rei de Exipto, que comezaron a emitirse ás aulas esta mesma semana. O Museo Centro Gaiás abriu o pasado 6 de abril as inscricións para que os centros de ensino participen destas emisións en liña, tanto para esta mostra como para a da selección cromática dos fondos da Fundación Rosón de Arte Contemporánea (Rac), Os brancos segredos do seu ventre.

Santiago de Compostela, 14 de Abril de 2021

A xincana do Camiño | Descubre xogando en familia a Vía da Prata

Descubrir as diferentes etapas da Vía da Prata a través de xogos tradicionais, en familia e nunha divertida xincana. Este é o plan ao aire libre (Bosque de Galicia) que vos propoñemos para a fin de semana do 24 e 25 de abril. 

De 16 a 20 horas, oito familias enfrontarédesvos na recén estreada terceira fase do Bosque de Galicia a divertidos retos que vos permitirán coñecer máis polo miúdo a Vía da Prata,  que transcorre paralela ao monte Gaiás, xa que entra a Santiago polo barrio compostelán de Sar.

Carteis do Estatuto | Díaz Pardo & Castelao

Esta semana conmemoráronse os 40 anos do Estatuto de Autonomía de Galicia, herdeiro do de 1936 (truncado polo golpe de Estado) e en cuxa consecución estivo implicado un moi novo Díaz Pardo. Con só 15 anos fixo carteis a favor do SI, ao igual que Seoane ou Castelao, e que poden verse no Museo Centro Gaiás na exposición «As miradas de Isaac».
 
Galego

Maker Faire Galicia 2021

O Museo Centro Gaiás da Cidade da Cultura volve transformarse en xuño no espazo virtual que acollerá a Maker Faire Galicia, que na súa sétima edición repite cun novo formato totalmente en liña. O encontro volverá ser un grande escaparate para a creatividade e o enxeño, pensado para todos os públicos, onde argalleiros e argalleiras de todo o planeta poderán compartir coñecemento conectándose e interactuando de maneira dixital.

As enxeñosas do fidalgo | Narración musicada con Soledad Felloza e a Banda Municipal de Santiago

As enxeñosas do fidalgo é unha narración musicada coa que a Cidade da Cultura quere sumarse aos festexos ao redor do Día do Libro (23 de abril) e que xuntará no Xardín do Teatro, da Cidade da Cultura,  a Soledad Felloza e a Banda Municipal de Santiago para pór en valor as personaxes femininas de O Quixote: a pastora Marcela, Tareixa Panza, Quiteria, Claudia, etc.

Lura xigante varada no Museo Gaiás | Os brancos segredos do seu ventre

Unha lura xigante feita de cerámica nun estilo minuciosamente realista, guindada no chan do Museo Centro Gaiás e enchoupada en tinta negra, como se acabase de ser varada polo mar. Esta é a impactante peza de David Zink Yi (Lima, 1973) que forma parte da exposición «Os brancos segredos do seu ventre», unha coidada escolma cromática dos fondos da Fundacion Rac (Rosón Arte Contemporánea).

Galego

Páxinas

Subscribe to Cidade da Cultura RSS