Descubrir as diferentes etapas da Vía da Prata a través de xogos tradicionais, en familia e nunha divertida xincana. Este é o plan ao aire libre (Bosque de Galicia) que vos propoñemos para a fin de semana do 24 e 25 de abril.
De 16 a 20 horas, oito familias enfrontarédesvos na recén estreada terceira fase do Bosque de Galicia a divertidos retos que vos permitirán coñecer máis polo miúdo a Vía da Prata, que transcorre paralela ao monte Gaiás, xa que entra a Santiago polo barrio compostelán de Sar.
Do mesmo xeito, esta xicana permitiravos recuperar ou descubrir xogos populares que, a partir desta experiencia, podedes incorporar as rutinas de lecer coa vosa cativada.
Como é a Xincana do Camiño?
Consta de oito etapas temáticas que reciben o nome dunha vila por onde discorre a Vía da Prata.
En cada etapa as e os participantes da unidade familiar ides ter que superar nun máximo de 10 minutos unha proba vencellada con xogos populares da cultura galega.
Prevese que cada familia-participante completedes as oito etapas temáticas en 2 horas aproximadamente.
Na recepción da xincana cada persoa participante recibiredes unha “credencial” e en cada etapa a medida que se vaia superando as probas recibiredes un selo.
As etapas e xogos que vos atoparedes durante o percorrido da xincana son os seguintes:
- Etapa 0. A Canda: Recepción. Entrega de credenciais. No Museo Centro Gaiás
- Etapa 1. A Gudiña. “Constrúe o Dolmen”. Xogo Torres de Madeira.
- Etapa 2. Laza. “Extracción na Mina”. Xogo do Plinko
- Etapa 3. Vilar de Barrio. “Atravesa a Ponte”. Xogo da Serpe
- Etapa 4. Ourense. “Pescando no Miño”. Xogo Pescapeixes
- Estapa 5 . Cea. “Dalle ao Bolo”. Xogo de Tiralatas
- Etapa 6. Bendoiro. “Descobre o Castro”. Xogo de Metediscos
- Etapa 7. Santiago de Compostela. Entrega da Compostela. No Museo Centro Gaiás
Unha vez rematada a xincana cada participante recibiriredes unha compostela personalizada co voso nome.
