Con motivo da conmemoración do Día da Música, a Biblioteca de Galicia organiza este espectáculo no que se fusiona música, teatro, humor, comedia xestual, clown e participación do público, cunha marimba como eixe principal.
Concerto con fusión incorpora diversos matices musicais, cunha vocación popular e con cabida para diferentes ritmos: música latina, rock&roll, reggae, pop ou música disco.
Con motivo da conmemoración do Día do Medio Ambiente a Biblioteca de Galicia organiza este obradoiro que ten como obxectivo educar, dun xeito lúdico e participativo, as rapazas e os rapaces na importancia da defensa do medio ambiente, así coma concienciar na importancia do aforro de auga e enerxía e na disminución do volume de residuos.
Con esta mesa redonda pretendemos dar a coñecer como son os labores de investigación e escavación que realizan na actualidade nas zonas do antigo imperio exipcio. Para iso, convidamos a dúas arqueólogas galegas que fan campañas habitualmente no país no Nilo para que compartan connosco as súas experiencias.
O Museo Centro Gaiás quere despedir cun acto especial a exposición As miradas de Isaac, tras unha estadía de seis meses (inaugurouse en novembro de 2020) na Cidade da Cultura. En breve, comezará un programa de itinerancias, que levará esta completa mostra á Coruña e a Vigo, para deste xeito dar a coñecer noutros puntos da comunidade a grande exposición coa que a Xunta de Galicia quixo homenaxear a Díaz Pardo co gallo do centenario do seu nacemento (1920-2020).
A Cidade da Cultura de Galicia leva ao Museo de Pontevedra Galicia, de Nós a nós, unha mostra que homenaxea e pon en valor o legado da Xeración e da revista Nós na cultura e na identidade galega. Inaugurada esta tarde no Edificio Castelao, a exposición está organizada pola Xunta de Galicia e a Deputación de Ourense xunto á Deputación de Pontevedra.
A Cidade da Cultura de Galicia convocará un concurso para elixir unha obra de arte conectada co universo simbólico dos Camiños de Santiago que ocupará o emprazamento no que se sitúa a Bóla de libros, nome co que se coñece de xeito coloquial á peza de Alicia Martín que leva por nome Singularidade.
Galicia, de Nós a nós exhibe un conxunto de máis de 300 obras, cedidas por máis de 60 institucións e prestadores privados, que poñen o foco nas conexións internacionais da revista Nós e dos seus impulsores, abrindo unha vía para subliñar a dimensión de universalidade e apertura da cultura galega.
O conselleiro de Cultura, Educación e Universidade, Román Rodríguez, visitou hoxe os ensaios dos artistas e compañías participantes na sétima edición de Escenas do cambio, o festival de teatro, danza e arte en acción da Xunta de Galicia que se desenvolve, a partir de mañá e ata o domingo día 23, na Cidade da Cultura. Fíxoo xunto a súa nova directora, Lola Correa.
Este venres 21 de maio terá lugar un novo encontro con ilustradores dentro da programación que está a desenvolver a Biblioteca de Galicia polo seu décimo aniversario.
Nesta ocasión o protagonista será o ilustrador, caricaturista e humorista gráfico David Pintor. As súas tiras cómicas como Pinto&Chinto levan máis de 25 anos imprimíndose nas páxinas de La Voz de Galicia e os seus libros ilustrados están presentes en países como Corea, Portugal, Francia ou Italia.
