COORDENADAS é unha actividade literaria para Santiago de Compostela no ronsel dos Diálogos Literarios clásicos da Fundación Carlos Casares, que se desenvolveron desde 2004 a 2012 entre Mariñán (Bergondo) e Santiago de Compostela.
A súa adaptación ás novas circunstancias ten en conta tres eixes fundamentais:
➖ A evolución dos públicos
➖ As tendencias do mercado editorial
➖ O agromar de novas linguaxes.
A Xunta de Galicia convida a medio centenar de creadores, dos ámbitos das artes plásticas, as letras, as ciencias ou o audiovisual, a imaxinar xuntos a Galicia futura, título da que será a grande exposición do Xacobeo neste ano 2021.
Como imaxinas a Galicia futura? Esta exposición sae á procura de respostas a esta pregunta a través dun suxestivo diálogo entre arte e ciencia, entre tecnoloxía e creatividade.
A Cidade da Cultura de Galicia despediu hoxe a exposición As miradas de Isaac cun concerto no Museo Centro Gaiás do cuarteto de corda 'Grupo Instrumental s. XX' con todas as entradas, previa retirada de convite, esgotadas. Deste xeito especial clausurouse a primeira gran mostra realizada pola Xunta de Galicia en homenaxe á figura de Díaz Pardo, co gallo de cumprirse en 2020 o centenario do seu nacemento, e que recibiu máis de 26.000 visitantes durante os seis meses da súa exhibición no Museo Centro Gaiás, desde o pasado 6 novembro ata este 30 de maio.
O escultor Francisco Leiro, un dos artistas plásticos galegos en activo con maior proxección no panorama internacional, realizará unha intervención artística sobre o Camiño de Santiago que se situará no Bosque de Galicia –na aba do Monte Gaiás que se abre sobre a cidade de Compostela– establecendo así un diálogo coa Cidade da Cultura e a Vía da Prata, que discorre paralela ao complexo na súa entrada á capital de Galicia.
Para festexar o Día do Medio Ambiente na Cidade da Cultura propoñémosvos a descuberta en familia da flora e da fauna do monte Gaiás, a través de retos e probas a superar en equipo. E para iso nada máis divertido e efectivo cunha xincana!!
Velaquí un resumo en imaxes do que foi Escenas do cambio 2021
A Biblioteca de Galicia xa ten artellada a súa programación familiar para xuño que xirará ao redor das dúas grandes celebracións deste mes:
➖ Día do Medio Ambiente
➖ Día da Música
Para sensibilizar sobre o respecto e protección do medio e para pór en valor o papel que xoga a música nas nosas vidas, tanto no espazo de lecer, de benestar, de cultural e como industria cultural a Biblioteca de Galicia organiza:
Este venres 28 de maio remata o ciclo dedicado aos ilustradores dentro da programación polo décimo aniversario da Biblioteca de Galicia coa presenza de Miguelanxo Prado.
