Pequefilmes recupera nesta edición de 2023 os obradoiros de cinema para a cativada cunha actividade na que aprenderán en que consiste a técnica de animación 'go motion' e o fenómeno da persistencia retiniana, xerme do cinema, a través da rodaxe dunha historia realizada foto a foto na que as pequenas e pequenos serán os protagonistas.
A Cidade da Cultura despide 2022 superando o millón de visitas e coa cifra récord de 28 exposicións organizadas nun mesmo ano, un máximo que se acadou precisamente durante a celebración do décimo aniversario do Museo Gaiás. Co obxectivo de levar os seus contidos máis alá de Santiago de Compostela e ampliar o público que pode acceder a eles, as mostras exhibíronse non só nos espazos da Cidade da Cultura, senón tamén nunha decena de centros e museos doutras localidades.
A Cidade da Cultura comeza o ano cunha edición especial da instalación de realidade virtual Galiverso, que poderá visitarse desde hoxe luns día 2 e ata o 5 de xaneiro no andar -1 do Museo Centro Gaiás. Neste Galiverso de Nadal, a rapazada a partir de 6 anos de idade poderá entrar na casa do Apalpador e remexer no seu interior empregando tecnoloxías interactivas.
O IndieJúnior – Festival Internacional de Cinema Infantil e Juvenil do Porto leva desde 2017 presentando o cine infantil e xuvenil máis creativo que se fai en Portugal e no mundo. O festival integra unha competición de longas e curtametraxes, cuxo palmarés é designado por tres xurados —oficial, escolas e público—. Ademais, varios dos filmes a concurso son seleccionados polo alumnado das escolas do Porto.
Nesta edición, Pequefilmes volve traer unha escolma das mellores películas seleccionadas no Festival Internacional de Curtametraxes Clermont-Ferrand (Francia). Serán dúas sesións, de balde, nas mañás do sábado 28 e o domingo 29 de xaneiro de 2023. Para asistir ás mesmas é necesario retirar unha entrada presencial, sen custo, en Ataquilla, na recepción do Museo Centro Gaiás ou o mesmo dia das proxeccións no despacho de billetes da Biblioteca de Galicia.
A sección Vagalumes de Pequefilmes inclúe dúas sesións de curtametraxes dirixidas a nenos e nenas de 0 a 3 anos de idade. As proxeccións serán na Sala 1 da Biblioteca de Galicia na Cidade da Cultura e cada sesión ten unha duración aproximada de 30 minutos.
A sección Vacalouras de Pequefilmes inclúe curtametraxes dirixidas a nenos e nenas a partir dos 4 anos de idade. O público que acuda ás proxeccións en sala no Auditorio Neira Vilas da Biblioteca de Galicia na Cidade da Cultura poderá votar polos seus filmes favoritos de cada sesión e o seu criterio será o que determinará os premios do festival.
Pequefilmes, o festival de curtametraxes infantís da Cidade da Cultura, chega á súa sétima edición en 2023 cunha selección de 65 filmes de animación no que teñen cabida todos os estilos e xéneros. Ademais, Pequefilmes recupera este ano a sección Vagalumes, con proxeccións de pezas para as nenas e nenos ata 3 anos de idade, así como os obradoiros de cinema para a cativada.
Neste Nadal a Cidade da Cultura énchese de actividades para gozar en familia nestes días tan propicios para pasar tempo xuntos. Entre as nosas propostas, programamos uns percorridos moi especiais polas exposicións e a arquitectura do Gaiás, para comprender dunha maneira moi divertida a creación artística e arquitectónica que abrangue este complexo.
O venres 16 de decembro, en horario de 9 a 15 h, terá lugar unha nova xornada técnica na Biblioteca de Galicia. Como cada ano organízase este encontro para analizar e debater algún dos temas transversais vencellados ás institucións da memoria da nosa comunidade autónoma. Nesta nova edición será a dixitalización do patrimonio cultural galego a protagonista da xornada.
