Que forma ten para ti o Nadal? Este ano, a Cidade da Cultura anímavos a xogar en familia coa xeometría. A partir de triángulos, círculos, cadrados, etc. poderedes imaxinar, deseñar e crear unha orixinal postal de Nadal.

Neste Nadal a Cidade da Cultura énchese de actividades para gozar en familia nestes días tan propicios para pasar tempo xuntos. Entre as nosas propostas, programamos uns percorridos moi especiais polas exposicións e a arquitectura do Gaiás, para comprender dunha maneira moi divertida a creación artística e arquitectónica que abrangue este complexo. 

Álex é un neno como calquera neno de 8 anos ao que lle encanta correr, xogar, saír cos amigos, ir ao parque... e ten ademais unha paixón: o fútbol. Pero un día ten que deixalo todo porque o seu corpo non responde, non camiña. E como calquera neno, Álex enfádase. Enfádase coa súa mamá, coa súa irmá, co seu can, ata co fútbol. Álex enfádase co mundo e repítese sen para a pregunta por que eu? por que? por que?

Neste Nadal a temática da programación do Gaiás para estas datas céntrase na arte da papiroflexia, polo que as figuras de papel son as protagonistas, tanto da decoración da árbore e o espazo que a rodea no Museo Centro Gaiás como dos nosos tradicionais obradoiros. Que mellor que poñer en práctica as habilidades co origami para elaborar os nosos propios adobíos?

O Camiño Portugués. Lembranzas de mar e pedra é un proxecto expositivo e editorial que retrata as realidades e paisaxes que conforman o itinerario do Camiño Portugués e tece un diálogo entre a fotografía do pasado e as olladas do presente. De Porto a Santiago de Compostela, as paisaxes, a vida nas prazas das aldeas, os monumentos e as escenas cotiás que foron inmortalizadas en séculos pasados volven ser motivo de inspiración baixo unha nova ollada.

A Biblioteca de Galicia trae para o Nadal un animado concerto para a cativada con carácter didáctico. Con cinco instrumentos como son a gaita, o acordeón, a percusión, o ukelele e a voz, e cunha escenografía que recrea unha Galicia imaxinaria, presentarase a vida dos trasnos galegos ao longo de todo o ano ata chegar ao Nadal, época na que  teñen que axudar ao Apalpador.